انتيتسيكلون جوتاسىنىڭ اسەرىنەن قازاقستان اۋماعىنىڭ باسىم بولىگىندە جاۋىن-شاشىنسىز اۋا رايى كۇتىلەدى. تەك ەلىمىزدىڭ سولتۇستىگىندە, شىعىسىندا جانە ورتالىعىندا اتموسفەرالىق فرونتالدى بولىكتەردىڭ وتۋىمەن كەي جەرلەردە نايزاعاي, سولتۇستىك-شىعىستا بۇرشاق جانە داۋىلدى جەل سوعادى.
رەسپۋبليكا بويىنشا كەي جەرلەردە جەلدىڭ كۇشەيۋى, وڭتۇستىك جانە وڭتۇستىك-باتىستا شاڭدى داۋىل كۇتىلەدى.
پاۆلودار وبلىسىنىڭ كەي جەرلەرىندە نايزاعاي ويناپ, جەل 15-20 م/س كۇشەيەدى, كۇندىز بۇرشاق, داۋل كۇتىلەدى.
تۇندە اقمولا, كۇندىز قاراعاندى وبلىستارىنىڭ كەي جەرلەرىندە نايزاعاي كۇتىلەدى, قاراعاندى وبلىسىنىڭ كەي جەرلەرىندە جەل 15-20 م/س كۇشەيەدى. شىعىس قازاقستان وبلىسىنىڭ كەي جەرلەرىندە نايزاعاي جارقىلداپ, كۇندىز جەل 15-20 م/س كۇشەيەدى.
كۇندىز تۇركىستان, قىزىلوردا, ماڭعىستاۋ وبلىستارىنىڭ كەي جەرلەرىندە شاڭدى داۋىلمەن جەل 15-20 م/س كۇشەيەدى. قوستاناي, سولتۇستىك قازاقستان, كۇندىز جامبىل وبلىستارىنىڭ كەي جەرلەرىندە جەلدىڭ جىلدامدىعى 15-20 م/س جەتەدى.
جامبىل وبلىسىنىڭ كەي جەرلەرىندە, ماڭعىستاۋ, الماتى, تۇركىستان, شىعىس قازاقستان وبلىسىنىڭ كەي جەرلەرىندە, قاراعاندى وبلىسىنىڭ وڭتۇستىگىندە اپتاپ ىستىق ساقتالادى.
قىزىلوردا, تۇركىستان, ماڭعىستاۋ, جامبىل وبلىستارىنىڭ باسىم بولىگىندە, الماتى, اتىراۋ, اقتوبە, قاراعاندى وبلىستارىنىڭ كەي جەرلەرىندە, قوستاناي وبلىسىنىڭ وڭتۇستىگىندە, اقمولا, شىعىس قازاقستان وبلىستارىنىڭ جەكەلەگەن اۋداندارىندا توتەنشە ءورت قاۋپى تۋىندايدى.
