الەم • 26 شىلدە، 2021

اۋستراليالىقتار ەرەۋىلگە شىقتى

51 رەت كورسەتىلدى

وتكەن سەنبىدە اۋسترا­ليانىڭ بىرقاتار قالا­سىن­دا مىڭداعان تۇرعىن كو­­رو­­ناۆيرۋس ينفەكتسياسىن جۇق­تىرعاندار سانىنىڭ كو­بەيۋىنە باي­لانىس­­تى ەنگىزىلگەن شەكتەۋلەرگە نارا­زىلىعىن ءبىل­­دىرىپ، ەرەۋىلگە شىقتى.

پوليتسيا سيدنەيدە جانە باسقا قالالاردا نا­رازىلار كەدەرگىلەردى بۇزىپ، پلاستيكالىق بوتەلكەلەر مەن باسقا دا زاتتاردى لاقتىرىپ، ءتارتىپ بۇزعانىن حابارلادى. شەكتەن شىققاندار قاماۋعا الىنعان.

ماسكاسىز كەلگەن قاتىسۋشىلار سيدنەيدەگى ۆيكتوريا پاركىنەن ورتالىق اۋدانداعى اكىمشىلىك عيماراتىنا دەيىن ءجۇرىپ ءوتىپ، «بوستاندىق!» دەپ ۇرانداتتى.

سيدنەي بيلىگى ونى سانكتسيالانباعان نارازىلىق دەپ تانىپ، قۇقىق قورعاۋ ورگاندارى قىزمەتكەرلەرى كوپتەپ جۇمىلدىرىلدى.

جاڭا وڭتۇستىك ۋەلس پوليتسياسى ادەتتە ءسوز بوس­تاندىعى مەن بەيبىت جينالىستاردى قول­دايتىنىن، بىراق بۇل نارازىلىق دەنساۋلىق ساقتاۋعا قاتىستى ۇكىمەت شەشىمدەرىن بۇزدى دەپ مالىمدەدى.

«جاڭا وڭتۇستىك ۋەلس پوليتسياسى ءۇشىن باسىم­دىق – ارقاشان حالىقتىڭ قاۋىپسىزدىگى»، دەلىنگەن پوليتسيا تاراتقان حابارلامادا.

نارازىلىققا سەبەپ بولعان – ەلدەگى ناۋقاس سانىنىڭ ارتۋى. سوڭعى 24 ساعات ىشىندە 163 جاڭا ينفەكتسيا تىركەلدى. ۇلكەن سيدنەي ايماعى سوڭعى ءتورت اپتا ىشىندە جابىلىپ، تۇرعىندار ۇيدەن تەك بەلگىلى ءبىر سەبەپتەرمەن شىعۋعا رۇقسات العان-دى.

ء«بىز دەموكراتيالىق ەلدە ءومىر ءسۇرىپ جاتىرمىز جانە ادامداردىڭ نارازىلىق ءبىلدىرۋ قۇقىعىن قولدايمىن... بىراق قازىرگى ۋاقىتتا الەمدەگى احۋال­دى ەستەن شىعارماعان ءجون. دەگەنمەن ازاماتتار دەمونستراتسياعا شىعۋ جانە ءبىر-ءبىرىنىڭ قاسىندا بولۋ قالىپتى جاعداي دەپ سانايتىنى وكىنىشتى»، دەدى دەنساۋلىق ساقتاۋ ءمينيسترى برەد حاززارد.

ال كوشەگە شىعىپ، باس كوتەرگەندەر بولسا، ۇكىمەتتىڭ ادام قۇقىقتارىن شەكتەپ وتىرعانىن، ەندى ۇيدە كۇتىپ وتىرا الماي­تىندىقتارىن ايتادى. ولار ۆاكتسينا العاندارعا شەكتەۋ بولماۋ كەرەك دەگەن ءۋاج ايتادى. الايدا پوليتسيا بيلىكتىڭ تالا­بىن ورىنداماعاندار جاۋاپقا تارتىلاتىنىن ەسكەرتتى.

سوڭعى جاڭالىقتار

تاعى 1650 قازاقستاندىق ىندەت جۇقتىردى

كوروناۆيرۋس • بۇگىن، 09:00

ۇقساس جاڭالىقتار