سايلاۋ • 26 شىلدە، 2021

اۋىلدىقتار وڭ وزگەرىستەر كۇتەدى

21 رەت كورسەتىلدى

ءبىزدىڭ وبلىستا 44 اۋىلدىق دەڭگەيدەگى اكىمنىڭ تىكەلەي سايلاۋى 130 ەلدى مەكەندە ءوتتى. ۇمىتكەر بولىپ 168 ادام ۇسىنىلدى. ولاردىڭ 59-ىن ساياسي پارتيالار ۇسىنسا، 109-ى – ءوزىن ءوزى ۇسىنعاندار

– اۋىل اكىمدەرىن سايلاۋ كۇنى 140 سايلاۋ كوميسسياسى جۇ­مىس  جۇرگىزدى. ونىڭ 14-ءى – اۋماق­تىق، 126-سى – ۋچاسكەلىك. سايلاۋ­شىلاردىڭ داۋىس بەرۋگە كەلۋى تۋرالى اقپارات ساعات 10.00-نان كەشكى 20.00-دەيىن اۋماقتىق سايلاۋ كوميسسياسىنىڭ  ينتەرنەت پاراق­شالارىندا ورنالاستىرىلادى، – دەدى  بريفينگتە وبلىستىق اۋماقتىق سايلاۋ كوميسسياسىنىڭ ءتورايىمى گۇلنار امانجولوۆا.

ونىڭ ايتۋىنشا، سايلاۋ ال­دىنداعى ۇگىت كەزەڭىندە وب­لىستىق، اۋماقتىق كوميسسيا­لارعا، سوتتارعا كان­ديداتتارىنىڭ قۇقىق­تارىنا قى­سىم جاساۋ جونىن­دە ەشقانداي شاعىم تۇسپەگەن.

ىندەتتىڭ تارالۋىنىڭ الدىن الۋ ءۇشىن داۋىس بەرۋگە كەلگەن  تۇر­عىندار اراسىندا الەۋمەتتىك قاشىق­تىقتى ساقتاۋ قاداعالاندى. 

 بايقاۋشىلار رەسپۋبليكالىق «پارتيالىق ەمەس باقىلاۋ» قو­عام­دىق ۇيىمىنىڭ فيليالىندا دايىندىقتان وتكەن.

 ساعات 12-دەگى جاعداي بويىنشا ءوز داۋىستارىن بەرگەن سايلاۋشىلار سانى 50 پايىزعا جۋىقتاعان. سونىڭ ىشىندە ەكىباستۇز، اق­سۋ قالا­لارىنىڭ اۋىلدىق اۋماق­تارىندا  سايلاۋشىلاردىڭ 50 پايىزعا جۋىعى، ال ەرتىس اۋدانىندا تۇرعىنداردىڭ 65 پايىزى داۋىس بەرىپ ۇلگەرگەن.

كەنجەكول اۋىلىنداعى №50 سايلاۋ ۋچاسكەسىندە اۋىل اكىم­دىگىنەن ۇمىتكەر 5 ادام تىركەلگەن ەكەن. ونىڭ  ۇشەۋى  – ساياسي پارتيا­لاردىڭ اتىنان،  ەكەۋى –  ءوزىن ءوزى ۇسىنعاندار. 

– قانداي اكىم كەلسە دە دۇرىس جۇمىس كەرەك. وبلىس ورتالىعىنا جاقىن تۇرعان كەنجەكول اۋىلى ءۇشىن، بىرىنشىدەن، قوعامدىق كولىكتەردىڭ ازدىعى – ۇلكەن ماسە­لە. ەكىنشىدەن، ءبىر عانا ۆeeline مۇ­ناراسى بار، بايلانىس دۇ­رىس ۇستامايدى. ۇشىنشىدەن، كەي­بىر تۇرعىندار قاراجاتتىڭ تاپشى­لىعىنا بايلانىستى سۋ قۇبىرىن ۇيگە دەيىن كىرگىزە الماي وتىر، – دەيدى زەينەتكەر  ەرعازى ماكين. 

 

پاۆلودار وبلىسى

 

سوڭعى جاڭالىقتار

شەرحان مۇرتازانىڭ ءۇيى

ادەبيەت • كەشە

«جاسىل» ايماقتا ەكى ءوڭىر

كوروناۆيرۋس • كەشە

بۇگىن - انالار كۇنى

قازاقستان • كەشە

الماتىدا تەگىن ءدارى-دارمەك قاتارى ارتتى

مەديتسينا • 18 قىركۇيەك، 2021

الەمدە ەپيداحۋال قانداي؟

الەم • 18 قىركۇيەك، 2021

توكيو مارافونى 2022 جىلعا شەگەرىلدى

سپورت • 18 قىركۇيەك، 2021

الماتىدا تاۋ بوكتەرى ورتەنىپ جاتىر

ايماقتار • 18 قىركۇيەك، 2021

ۇقساس جاڭالىقتار