«كەشە تەمىرتاۋدا قارا جەيدە كيگەن بالا ءوزىن قورعاپ, كوك جەيدەدەگى بالانى جۇدىرىعىمەن قۇلاق تۇسىنا ۇردى. بۇل سوققى بالانىڭ ولىمىنە اكەلدى. بالا جەرگە وتىرىپ, ەسىنەن تانىپ قالعان. بالانى اۋرۋحاناعا جەتكىزگەن ساتتە دارىگەرلەر ونىڭ كوز جۇمعانىن انىقتادى. ول نەبارى 12 جاستا ەدى. تۋعان-تۋىستارىنا كوڭىل ايتامىز», دەپ جازدى «پاتريوت» Telegram ارناسى.
بالالار توبەلەسىن اۋلاداعى بەينەكامەرا ءتۇسىردى.
كادرلاردا بالا جەرگە قۇلاعان كەزدە, قاسىنداعى بالالار ەرەسەكتەردى شاقىرۋعا جۇگىرگەنى كورىنەدى. كومەككە ءبىرىنشى بولىپ ەر ادام جۇگىرىپ كەلدى. ولار بالاعا جاساندى تىنىس پەن جۇرەك ماسساجىن جاساي باستادى. بىراق بالا ەسىن جيناي المادى.
بەينەماتەريال پوليتسيا قىزمەتكەرلەرىنە تاپسىرىلدى.
«كەشە, 24 شىلدەدە تەمىرتاۋدا بالالار توبەلەسى سالدارىنان بالا كوز جۇمدى. ول 13 جاسار بالامەن تەمىرتاۋداعى ۇيلەردىڭ ءبىرىنىڭ اۋلاسىندا جانجال شىعارعان. جانجال كەزىندە 13 جاسار بالا ونىڭ باسىنان ءبىر ۇردى. قر قك 104-بابى بويىنشا قىلمىستىق ءىس قوزعالدى. ءتيىستى ساراپتامالار تاعايىندالىپ, سوتقا دەيىنگى تەرگەۋ جۇرگىزىلۋدە», دەدى قاراعاندى وبلىسى پوليتسيا دەپارتامەنتىنىڭ تەرگەۋ باسقارماسىنىڭ باستىعى رۋستام قۇلكەەۆ.
