ايماقتار • 25 شىلدە، 2021

اتىراۋ وبلىسىندا 18 اۋىلدىڭ اكىمى سايلانادى

921 رەت كورسەتىلدى

بۇگىن اتىراۋ قالاسى مەن التى اۋداندا 18 اۋىلدىڭ اكىمى سايلانادى. قازىر 36 سايلاۋ ۋچاسكەسىندە داۋىس بەرۋ ءجۇرىپ جاتىر، دەپ حابارلايدى Egemen.kz.

وبلىستىق اۋماقتىق سايلاۋ كوميسسياسىنىڭ توراعاسى ازامات ايماناكۋموۆتىڭ مالىمەتىنە سۇيەنسەك، 18 وكرۋگ بويىنشا 52 ۇمىتكەر سايلاۋ بيۋللەتەنىنە ەنگىزىلگەن.

«اكىم سايلاۋىنا ساياسي پارتيالاردان (NurOtan – 15، «اۋىل» حدپپ – 5، «اDAL» ساياسي پارتياسى – 2، قحپ – 2) 24 ۇمىتكەر ۇسىنىلدى. ءوزىن-ءوزى ۇسىنعان ۇمىتكەرلەر – 28. ء ۇش وكرۋگتە 2 (اتىراۋ قالاسىنان قايىرشاحتى، قۇرمانعازى اۋدانىنان سافون، تەڭىز اۋىلدىق وكرۋگتەرى)، 1 وكرۋگتە  (ماحامبەت اۋدانىنىڭ سارايشىق اۋىلدىق وكرۋگى) 4، ال، 14 وكرۋگتە 3 ۇمىتكەردەن تىركەلدى. سايلاۋ بيۋللەتەندەرى جالپى سايلاۋشىلار سانىنىڭ ءبىر پايىزىنا  ارتىعىمەن دايىندالىپ، سايلاۋ وكرۋگتەرىنە، ۋچاسكەلەرگە جەتكىزىلدى»، دەيدى ازامات ايماناكۋموۆ.

ونىڭ ايتۋىنشا، سايلاۋ باستالعانعا دەيىن سايلاۋ بيۋللەتەندەرى جەتكىزىلگەن عيمارات مورلەنىپ، ىشكى ىستەر ورگاندارىنىڭ كۇزەتىنە بەرىلگەن. بارلىق 36 سايلاۋ ۋچاسكەسىندەگى داۋىس بەرۋ پۋنكتەرى ورتالىق سايلاۋ كوميسسياسىنىڭ قاۋلىسىمەن بەكىتىلگەن ءتيىستى ەرەجەگە سايكەس جاراقتاندىرىلعان.

«اتىراۋ وبلىسىندا سايلاۋشىلار تىزىمىنە 44 305 سايلاۋشى ەنگىزىلگەن. سايلاۋ 41 ەلدى مەكەندەگى 36 سايلاۋ ۋچاسكەسىندە ءوتىپ جاتىر. سايلاۋ ۋچاسكەلەرى قۇرىلماعان 12 ەلدى مەكەندەردە داۋىس بەرۋدى ۇيىمداستىرۋ ماسەلەسى شەشىلدى. ەڭ شالعايداعى سايلاۋ ۋچاسكەلەرى قۇرمانعازى اۋدانىنىڭ ورتالىعىنان 180 شاقىرىم قاشىقتا اسان اۋىلدىق وكرۋگىندە ورنالاسقان»، دەيدى ازامات ايماناكۋموۆ.

سوڭعى جاڭالىقتار

ەڭبەكپەن ەسەيگەن ەر

قازاقستان • كەشە

بەيتانىس ساعىنىش

الەم • كەشە

جالعىزدىق ارالى

كينو • كەشە

ەلوردادا قار جاۋادى

قازاقستان • كەشە

بۇگىن ماشينا جاساۋ كۇنى

قازاقستان • كەشە

سقو-دا جۇك كولىگى جىلۋ قۇبىرىنا سوعىلدى

ايماقتار • 25 قىركۇيەك، 2021

ۇقساس جاڭالىقتار