قاراعاندى تۇرعىنى ايسۇلۋ ماتاەۆا «ۆەچەرنيايا كاراگاندا» Telegram-ارناسىنا ميحايلوۆكاداعى «ستەكلياشكا» ايالداماسىندا اۆتوبۋس كۇتىپ تۇرعان بالاسىنا ماس كۇيىندەگى ەكى ەر ادام جاقىنداعانىن جازدى. ولار وزدەرىن ادەپسىز ۇستاپ, جاندارىنان ءوتىپ بارا جاتقان ادامداردى بالاعاتتاعان.
16 جاسار تەمىرلان ولاردان تىنىشتىق ساقتاۋدى وتىنگەن كەزدە ەر ادامدار بۇعان نازار اۋدارىپ, «سەن كىمسىڭ؟ ءبىزدىڭ كىم ەكەنىمىزدى بىلەسىڭ بە؟» دەگەن سوزدەرمەن بالانى قورقىتا باستايدى.
«ولار وزدەرىن «بەدەلدى اۆتوريتتەر» دەپ اتاعان ساتتە ۇلىم ەشكىمدى بىلمەيتىنىن ايتتى. سودان كەيىن توبەلەس باستالدى. ءوتىپ جاتقان ادامدار بولسا ولاردى اجىراتىپ الۋعا باتىلدارى بارمادى!», دەپ رەنىشىن ءبىلدىردى تەمىرلاننىڭ اناسى.
ءتارتىپ ساقشىلارىنىڭ ايتۋىنشا, وقيعا بارىسىندا ەشكىم ايتارلىقتاي جاراقات العان جوق. الايدا, ايسۇلۋ ماتاەۆا توبەلەس كەزىندە ۇلىنا ءۇش پىشاق جاراقاتى سالىنعانى تۋرالى ايتتى. ءبىرىنشى سوققى - باسىنا, ەكىنشىسى - كەۋدەگە, ءۇشىنشىسى - قولعا ءتۇستى.
وقيعانى ۆيدەوعا ءتۇسىرىپ ۇلگەرگەن كۋاگەر كادر سىرتىندا بىرەۋدىڭ «پىشاعىڭدى لاقتىر» دەپ ايقايلاعانىن ەستىگەن.
«وسىدان كەيىن مەنىڭ بالام اۋرۋحاناعا جەتكىزىلىپ, جاراقاتتانعان قولىنا تىگىس سالىندى», دەپ جازدى بالانىڭ اناسى Instagram-دا جازدى.
قاراعاندى وبلىسى پوليتسيا دەپارتامەنتىنىڭ ءباسپاسوز قىزمەتى اتالعان فاكتى بويىنشا قىلمىستىق ءىس قوزعالعانىن حابارلادى.
«كۇدىكتىلەر انىقتالىپ, قاماۋعا الىندى. قازىرگى ۋاقىتتا ءتيىستى ساراپتامالار تاعايىندالىپ, ءىس بويىنشا بارلىق ءمان-جايلاردى انىقتاۋ ءۇشىن تەرگەۋ شارالارى جۇرگىزىلۋدە», دەپ ءتۇسىندىردى قاراعاندى پوليتسيا قىزمەتكەرلەرى.
