تۇركىستان وبلىسى پد ەسىرتكى قىلمىسىنا قارسى ءىس-قيمىل باسقارماسى ەسىرتكى زاتتارىنىڭ زاڭسىز اينالىمىنا قاتىسى بار كۇدىكتى ەرلى-زايىپتىلاردىڭ قىلمىستىق ارەكەتتەرىنىڭ جولىن كەستى.
جەدەل ۋاكىلدەر سايرام اۋدانىندا كەيبىر تۇرعىندار ەسىرتكى ساتۋمەن اينالىساتىنى تۋرالى اقپارات العان. پوليتسيا قىزمەتكەرلەرى كۇدىكتىلەردى انىقتاۋ جانە ۇستاۋ ماقساتىندا قاجەتتى شارالار كەشەنىن وتكىزدى. جەدەل-ىزدەستىرۋ ءىس-شارالارىنىڭ ناتيجەسىندە پوليتسيا قىزمەتكەرلەرى ەسىرتكى ساۋداسىمەن اينالىسىپ جۇرگەن وتباسىلىق جۇپتى ۇستادى.
ءتىنتۋ كەزىندە ەر ادامنان پاكەت, ال ونىڭ زايىبىنان بەلگىلى ءبىر ءيىسى بار ەسىرتكىگە ۇقساس مازمۇنى بار پاكەت تابىلدى. ساراپتاماعا سايكەس, تاركىلەنگەن ەسىرتكى جالپى سالماعى 25 گرامنان اساتىن «كەپتىرىلگەن ماريحۋانا» بولىپ شىقتى.
اتالعان فاكتى سدتبت-دە قر قك 297-بابى «ەسىرتكى قۇرالدارىن, پسيحوتروپتىق زاتتاردى وتكىزۋ ماقساتىندا زاڭسىز دايىنداۋ, قايتا وڭدەۋ, ساتىپ الۋ, ساقتاۋ, تاسىمالداۋ, جونەلتۋ نەمەسە وتكىزۋ» بويىنشا تىركەلدى. قازىرگى ۋاقىتتا اتالعان فاكتى بويىنشا سوتقا دەيىنگى تەرگەۋ امالدارى جۇرگىزىلۋدە. كۇدىكتىلەر قاماۋعا الىندى.
