قازاقستان • 22 شىلدە، 2021

وندىرىستەگى جازاتايىم وقيعالاردان 78 ادام قازا تاپتى

88 رەت كورسەتىلدى

قازاقستاندا وندىرىستەگى جازاتايىم وقيعالاردان بولاتىن ءولىم-ءجىتىم 9،3%-عا تومەندەدى، دەپ حابارلايدى Egemen.kz ەڭبەك مينيسترلىگىنە سىلتەمە جاساپ.

قر ەڭبەك جانە حالىقتى الەۋمەتتىك قورعاۋ مينيسترلىگى ەڭبەك، الەۋمەتتىك قورعاۋ جانە كوشى-قون كوميتەتىنىڭ دەرەكتەرى بويىنشا، اعىمداعى جىلدىڭ ءبىرىنشى جارتىجىلدىعىندا وندىرىستەگى جازاتايىم وقيعالاردىڭ ناتيجەسىندە 691 قىزمەتكەر زارداپ شەكتى، ونىڭ 78-ءى قايتىس بولدى.

وسىلايشا، وندىرىستىك جاراقاتتانۋ دەڭگەيى 2020 جىلدىڭ ۇقساس كەزەڭىمەن سالىستىرعاندا 2،8%-عا ءوستى. ال وندىرىستىك جاراقاتتانۋدان قازا تابۋ جاعدايلارى 9،3%-عا تومەندەدى (2020 جىلعى 6 ايدا وندىرىستە 86 ادام قازا تاپتى).

وندىرىستىك جاراقاتتانۋدىڭ جوعارى دەڭگەيى بۇرىنعىداي قاراعاندى (139 ادام زارداپ شەكتى)، شىعىس قازاقستان (82 ادام)، اقتوبە (56 ادام)، پاۆلودار (54 ادام)، قوستاناي (49 ادام)، تۇركىستان (37 ادام) وبلىستارىندا جانە الماتى قالاسىندا (42 ادام) ساقتالۋدا.

ەكونوميكا سالالارى بويىنشا زارداپ شەككەندەردىڭ ەڭ كوپ سانى تاۋ-كەن-مەتاللۋرگيا كەشەنىنىڭ كاسىپورىندارىندا – 134 ادام (19،4%) جانە قۇرىلىس سالاسىندا – 80 ادام (11،6%) بايقالادى.

سوڭعى جاڭالىقتار

دوللار ارزاندادى

قارجى • بۇگىن، 16:22

شىمكەنتتە دە LRT سالىنۋى مۇمكىن

ايماقتار • بۇگىن، 12:50

دوللار باعاسى تاعى قىمباتتادى

ەكونوميكا • بۇگىن، 10:32

ۇقساس جاڭالىقتار