لوكداۋن ەنگىزىلگەن ۆيكتوريا مەن جاڭا وڭتۇستىك ۋەلستىڭ كەيبىر اۋداندارىنا سەيسەنبىدە ءۇشىنشى ۆيكتوريا شتاتى قوسىلدى. اۋستراليالىقتاردىڭ 14 پايىزدان ازى ۆاكتسينا العان. بۇل – ەكونوميكالىق ىنتىماقتاستىق جانە دامۋ ۇيىمىنا (OECD) مۇشە ەلدەر اراسىنداعى ەڭ ناشار كورسەتكىش. اۋستراليانىڭ ەڭ ۇلكەن ەكى قالاسى – سيدنەي مەن مەلبۋرننىڭ قاشان اشىلاتىنى بەلگىسىز.
حالىقتىڭ كوپ بولىگى پاندەميانىڭ 18 ايىنان كەيىن قايتادان قاتاڭ باقىلاۋعا تۇسكەنىنە نارازى. ال ۇلىبريتانيا مەن اقش-تىڭ قايتا اشىلا باستاۋى فەدەرالدى ۇكىمەتكە قىسىمدى ارتتىرا تۇسكەن. پرەمەر-مينيستر سكوتت مورريسون ۆاكتسينالاۋدىڭ باياۋ دەڭگەيى ءۇشىن قاتتى سىنعا ۇشىرادى, الايدا ول كەشىرىم سۇراۋدان باس تارتىپ وتىر. ول ەشبىر ەلدىڭ پاندەميانى 100% جەڭبەگەنىن جانە ەل تۇرعىندارىنىڭ مۇنى تۇسىنەتىنىن العا تارتتى. سونداي-اق ەل باسشىسى باسقا ەلدەرمەن سالىستىرعاندا اۋستراليانىڭ ناۋقاستاردى امان الىپ قالۋداعى جەتىستىكتەرىنە توقتالدى. ال ەلدە ىندەتتەن 915 ادامنىڭ ءولىمى تىركەلگەن.
