وليمپيا ويىندارىن قاۋىپسىز وتكىزۋگە بولا ما دەگەن سۇراققا ناقتى جاۋاپ جوق. چيلي ۇلتتىق وليمپيادا كوميتەتى ۆيرۋس جۇقتىرعان تاەكۆوندوشىنىڭ جارىسقا قاتىسۋدان باس تارتاتىنىن مالىمدەدى. بۇل – جاپونياعا كەلگەننەن كەيىن ويىننان باس تارتۋعا COVID-19 ىندەتىن سەبەپ رەتىندە كەلتىرگەن العاشقى جاعداي.
ءبىر جىلعا كەيىنگە قالعان وليمپيا ويىندارى وسى جۇمادا باستالۋعا ءتيىس. ۇيىمداستىرۋ كوميتەتى قازىردىڭ وزىندە 79 ادامنىڭ ۆيرۋس جۇقتىرعانىن حابارلادى.
دۇنيەجۇزىلىك دەنساۋلىق ساقتاۋ ۇيىمىنىڭ باسشىسى تەدروس ادانوم گەبرەيەسۋس توكيو وليمپياداسى الەمگە COVID-19 پاندەمياسىمەن كۇرەستە دۇرىس جوسپار مەن ءتيىمدى شارالار ارقىلى نەگە قول جەتكىزۋگە بولاتىنىن كورسەتۋى كەرەك دەگەن پىكىردە. «وليمپيا ويىندارى الەمدى بىرىكتىرۋگە, شابىتتاندىرۋعا جانە قول جەتكىزۋگە بولاتىن مۇمكىندىكتى كورسەتەدى», دەدى ول. وليمپيادا الاۋىن جوعارى ۇستاپ تۇرىپ ددۇ باسشىسى وسى جەردەن كورىنگەن ءۇمىت ساۋلەسى دەنى ساۋ, قاۋىپسىز الەم مەن ءادىل قوعامعا باستاسىن دەپ, توكيو وليمپياداسىنا ساتتىلىك تىلەدى.
Kyodo باسىلىمىنىڭ حابارلاۋىنشا, سارسەنبى كۇنى توكيودا 1832 ادام ىندەت جۇقتىرعان. بۇل –ماۋسىمنىڭ ورتاسىنان بەرگى ەڭ جوعارى كورسەتكىش.
