وتىرىستا پرەزيدەنت قاسىم-جومارت توقاەۆتىڭ بيىلعى 19 شىلدەدەگى ەلدەگى ەپيدەميالىق احۋال جونىندەگى كەڭەستە بەرگەن تاپسىرمالارىن ورىنداۋدى ۇيىمداستىرۋ ماسەلەلەرى قارالدى.
ۆيتسە-پرەمەر مەملەكەتتىك ورگان وكىلدەرىنىڭ باياندامالارىن تىڭداپ, قىسقا مەرزىم ىشىندە مەملەكەت باسشىسى جۇكتەگەن مىندەتتەردى ورىنداۋ ءۇشىن مىناداي شارالاردى قابىلداۋدى تاپسىردى: جاڭا شتامداردىڭ پايدا بولۋىن ەسكەرە وتىرىپ, كوروناۆيرۋس ينفەكتسياسىنىڭ تارالۋىنا جول بەرمەۋ جونىندەگى جەدەل ءىس-قيمىلداردىڭ ناقتى جوسپارىن ازىرلەۋ جانە ەنگىزۋ; «QazVac» وتاندىق ۆاكتسيناسىن دۇنيەجۇزىلىك دەنساۋلىق ساقتاۋ ۇيىمىندا تىركەۋ جانە ونى ودان ءارى ءۇشىنشى ەلدەردىڭ نارىعىنا شىعارۋ ماسەلەسىن پىسىقتاۋ, وسى باعىتتا ناقتى جول كارتاسىن ازىرلەۋ; كارانتيندىك شەكتەۋلەردى ساقتاۋعا قويىلاتىن تالاپتاردى قاتاڭداتۋ ماسەلەسىن پىسىقتاۋ; ۆاكتسينالاۋ قارقىنى تومەن وڭىرلەرگە ادىستەمەلىك كومەك كورسەتۋ ءۇشىن كوشپەلى بريگادالار قۇرۋ; كوروناۆيرۋستى دياگنوستيكالاۋ مەن ەمدەۋ حاتتامالارىنا سايكەس رەانيماتسيا بولىمشەلەرى مەن جەدەل مەديتسينالىق كومەك قىزمەتتەرىن قوسىمشا جاراقتاندىرۋدى قامتاماسىز ەتۋ جونىندە ناقتى ۇسىنىستار ەنگىزۋ; كوروناۆيرۋسپەن اۋىراتىن ناۋقاستاردى ەمدەۋ ءۇشىن «رەمدەسيۆير» پرەپاراتىن ورتالىقتاندىرىلعان ساتىپ الۋ ماسەلەسىن شەشۋ جونىندە شارالار قابىلداۋ; ىشكى ىستەر مينيسترلىگى, باسقا دا مۇددەلى مەملەكەتتىك ورگاندارمەن بىرلەسىپ, جالعان ۆاكتسينالاۋ پاسپورتتارىن جاساۋدىڭ جولىن كەسۋ جونىندەگى ۆەدومستۆوارالىق ارنايى توپ قۇرۋ; تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگى «اتامەكەن» ۇلتتىق كاسىپكەرلەر پالاتاسىمەن جانە دەنساۋلىق ساقتاۋ مينيسترلىگىمەن بىرلەسىپ, بيزنەس سۋبەكتىلەرىن Ashyq باعدارلاماسىنا ەنگىزۋ جونىندەگى تالاپتاردى جەڭىلدەتۋ كەرەك.
ەرالى توعجانوۆ مونيتورينگ توپتاردىڭ جۇمىسى ماڭىزدى ەكەنىن اتاپ ءوتىپ, ىشكى ىستەر مينيسترلىگى مەن اكىمدىكتەرگە وسى باعىتتاعى جۇمىستى جانداندىرۋدى تاپسىردى. بۇدان باسقا, ۆاك Ashyq ارقىلى تىركەلگەن قوعامدىق ورىندارعا باراتىن «قىزىل» جانە «سارى» مارتەبەسى بار ادامدارعا قاتىستى شارالاردى قاتاڭداتۋ تۋرالى شەشىم قابىلدادى. ەندى كارانتين رەجىمىن بۇزعان «قىزىل» مارتەبەسى بار ازاماتتاردىڭ ەسىمى بۇقارالىق اقپارات قۇرالدارىندا جاريالانادى.
سونداي-اق ۆيتسە-پرەمەر ە.توعجانوۆ مەملەكەتتىك ورگانداردىڭ باسشىلارى مەن وڭىرلەردىڭ اكىمدىكتەرىنە ۆاكتسينالاۋ تۇرعىسىنان ءتۇسىندىرۋ جۇمىستارىن كۇشەيتۋدى, سونداي-اق حالىقتى كوروناۆيرۋس ينفەكتسياسىنان ۆاكتسينالاۋمەن قامتۋدى ارتتىرۋ تۋرالى ناقتى تاپسىرمالار بەردى.
