وڭىرگە ساپارى بارىسىندا ۇكىمەت باسشىسى وبلىس اكىمى سەرىكباي ترۇموۆتىڭ وڭىردە مال شارۋاشىلىعى سالاسىندا قالىپتاسقان جاعداي جانە قۇرعاقشىلىقتان زارداپ شەككەن اۋدانداردى جەمشوپپەن قامتاماسىز ەتۋ بويىنشا جۇرگىزىلىپ جاتقان جۇمىستار تۋرالى بايانداماسىن تىڭدادى.
وبلىس اكىمىنىڭ دەرەگىنشە, اقتوبە, باتىس قازاقستان جانە قوستاناي سەكىلدى كورشىلەس وبلىستاردان ءشوپ جەتكىزۋ جانە وتكىزۋ جولعا قويىلعان. 1200 توننادان استام ارپا اكەلىندى, ولار فەرمەرلەرگە نارىقتىق باعادان تومەن باعامەن ساتىلدى. ۇكىمەت ماڭعىستاۋ وبلىسىندا مالدىڭ انالىق باسىنا ارنالعان ازىققا جۇمسالعان شىعىنداردى ءىشىنارا وتەۋگە 1,9 ملرد تەڭگە ءبولدى. پرەمەر-ءمينيستردىڭ تاپسىرماسى بويىنشا فەرمەرلىك شارۋاشىلىقتارعا قولجەتىمدى باعامەن كولەمى 114,7 مىڭ توننا دايىندالعان ءشوپتى ساتىپ الۋ جانە جەتكىزۋ ءۇشىن تۇراقتاندىرۋ قورىن قالىپتاستىرۋعا, سونداي-اق «ازىق-ت ۇلىك كەلىسىمشارت كورپوراتسياسى» ۇك» اق ارقىلى 56,3 مىڭ توننا جەمشوپ (كەبەك) ساتىپ الۋعا قوسىمشا قاجەتتى قاراجات بولىنەدى.
بۇدان كەيىن پرەمەر-مينيستر اسقار مامين قازاقستانداعى العاشقى TETYSBLU تاقىرىپتىق پاركىنىڭ اشىلۋ راسىمىنە قاتىستى. وبەكت اقتاۋ قالاسىنىڭ تۋريستىك ايماعىندا ورنالاسقان, وندا BluPower, Watermania, Snorri سىندى ورتالىق ازيادا تەڭدەسى جوق اتتراكتسيوندار جانە 30-دان استام بىرەگەي اتتراكتسيون بار.
ۇكىمەت باسشىسى اقتاۋ قالاسىنىڭ تۋريستىك ايماعىن دامىتۋ جوبالارى قالاي جۇزەگە اسىرىلىپ جاتقانىن تەكسەردى. اتاپ ايتساق, گولف كلۋبى, ساۋدا قاتارلارى, ۆيللالارى مەن اپارتامەنتتەرى بار Hilton جانە Fairmont برەندتەرىنىڭ قوناق ۇيلەرى, Aqualina Resort. قىركۇيەك ايىندا گولف كلۋبىنىڭ, ساۋدا قاتارلارىنىڭ, ۆيللالار مەن Fairmont قوناقۇيىنىڭ قۇرىلىسى اياقتالادى دەپ جوسپارلانعان.
سونداي-اق ا.مامين وسى جىلدىڭ قازان ايىندا اياقتالۋعا ءتيىس تۋريستىك ايماقتىڭ تىنىس-تىرشىلىگىن قامتاماسىز ەتۋگە ارنالعان, ۇزىندىعى 49 كم قوسىمشا سۋ تاراتقىشتىڭ جانە ۇزىندىعى 33 كم كتق-1-دەن كتق-2-گە دەيىنگى قىسىمدى كارىز كوللەكتورىنىڭ قۇرىلىسىمەن تانىستى.
پرەمەر-مينيستر جوسپارلانعان نىسانداردىڭ جانە كولىك, ينجەنەرلىك-كوممۋنيكاتسيالىق ينفراقۇرىلىمىنىڭ قۇرىلىسىن ۋاقتىلى اياقتاۋدى تاپسىردى.
پرەمەر-مينيسترگە وڭىردەگى بالىق شارۋاشىلىعىن دامىتۋ, ونىڭ ىشىندە بەكىرە تۇقىمداس بالىق تۇرلەرىن ءوسىرۋ زاۋىتى قۇرىلىسىنىڭ پەرسپەكتيۆالىق جوبالارى, كاسپي تەڭىزىندە بالىق اۋلاۋدى ۇيىمداستىرۋ تۋرالى باياندالدى. سونىمەن قاتار ا.مامين بالىق جەمىن ءوندىرۋ جانە وتىرعىزۋ ماتەريالىن وندىرۋگە ارنالعان ينكۋباتسيالىق تسەحتى قۇرۋدى قوسا العاندا, جىلىنا 30 مىڭ تونناعا دەيىن بالىق ءوسىرۋ جانە قايتا وڭدەۋ بويىنشا زاماناۋي تەحنولوگيالاردى ەنگىزە وتىرىپ, ء«ىنجۋ مارجان» شىعاناعىندا بالىق ءوسىرۋ كەشەنىن قۇرۋ جوباسىمەن تانىستى. «اقتاۋ تەڭىز پورتى» اەا-دا ۇكىمەت باسشىسىنا جۇمساق قاپتاما ىدىس, پوليمەرلىك قاپتاما, سورعى شتانگالارى مەن مۋفتالار, كاۋستيكالىق سودا جانە قۇرامىندا حلورى بار ونىمدەر جانە ت. ب. ءوندىرۋ جونىندەگى ينۆەستيتسيالىق جوبالار تانىستىرىلدى.
پرەمەر-مينيستر «قۇرىق» پاروم كەشەنىن جانە «اقتاۋ» تەڭىز پورتىن دا ارالاپ كوردى. مۇندا قازاقستاننىڭ ترانزيتتىك-كولىك الەۋەتىن دامىتۋ ماسەلەلەرى ءسوز بولدى. اتاپ ايتقاندا, جۇكتەردى اۋىستىرىپ تيەۋ قۋاتى جىلىنا 6 ملن توننانى قۇرايدى.
ۇكىمەت باسشىسى ۇزىندىعى 24 شاقىرىم بولاتىن اقتاۋ-اۋەجاي ءبىرىنشى ساناتتاعى اۆتوموبيل جولىنىڭ سالىنۋ بارىسىن, سونداي-اق ۇزىندىعى 4,5 شاقىرىم بولاتىن «حوندا» ورتالىعىنان ومىرزاق اۋىلىنىڭ ت-ءتارىزدى قيىلىسىنا دەيىنگى قالالىق اۆتوموبيل جولىن رەكونسترۋكتسيالاۋ بارىسىن تەكسەردى. اتالعان ۋچاسكەلەردەگى بارلىق جۇمىس ءتۇرىن تولىق اياقتاۋ بيىلعى جىلدىڭ ءبىرىنشى قىركۇيەگىنە جوسپارلانعان.
ا.مامين «ترانستەلەكوم» اق دەرەكتەردى وڭدەۋ ورتالىعىنىڭ جۇمىسىمەن دە تانىستى. جوبا قۇنى – 6,8 ملرد تەڭگە. ورتالىق Tier III دەڭگەيىنىڭ قاۋىپسىزدىك جانە سەنىمدىلىك ستاندارتتارىنا سايكەس كەلەدى. وسىنداي ورتالىقتار قازاقستاننىڭ 9 قالاسىندا: اقتاۋ, اتىراۋ, اقتوبە, ورال, قاراعاندى, جەزقازعان, قىزىلوردا, نۇر-سۇلتان جانە الماتى شاھارىندا بار. دەرەكتەردى وڭدەۋ ورتالىقتارى كليەنتتىك سەرۆەرلەردىڭ ۇزدىكسىز قىزمەتىن قامتاماسىز ەتۋگە, تسيفرلاندىرۋدى ەنگىزۋگە تەحنولوگيالىق نەگىز بولا الادى.
