«XXXII جازعى وليمپيادا ويىندارىنىڭ ترانسلياتسياسىنا قاتىستى كورەرمەندەر مەن ارىپتەستەرىمىزدەن كەلىپ ءتۇسىپ جاتقان ساۋالدارعا بايلانىستى كەلەسىنى حابارلايمىز. توكيو وليمپياداسىنىڭ تىكەلەي ترانسلياتسيالاۋ قۇقىعى «Dentsu Inc.» كومپانياسىنا تيەسىلى. «قازاقستان» تەلەراديوكورپوراتسياسى مەن «حابار» اگەنتتىگى» اق Qazaqstan, Qazsport, «حابار» تەلەارنالارى ارقىلى جازعى وليمپيادانى ەل اۋماعىندا كورسەتۋ بويىنشا كەلىسسوزدەردى 2019 جىلى باستاعان بولاتىن. تاراپتار ازىرگە ورتاق كەلىسىمگە كەلە العان جوق. ەكىجاقتى كەلىسىمنىڭ ۇزاققا سوزىلۋ سەبەبى, قۇقىق يەسىنىڭ ليتسەنزيا باعاسىن 2016 جانە 2018 جىلدارداعى وليمپيادا ويىندارىمەن سالىستىرعاندا 123 پايىزعا قىمباتقا ۇسىنۋى», دەپ جازىلعان حابارلامادا.
تەلەراديوكورپوراتسيا مالىمدەگەندەي, قازىرگى كەزدە Qazaqstan, Qazsport, «حابار» تەلەارنالارى قازاقستاندىق سپورتشىلاردى قولداۋ جانە وتاندىق كورەرمەندەرگە وليمپيادادان جەدەل اقپارات ۇسىنۋ بويىنشا جان-جاقتى جۇمىس جۇرگىزىپ جاتىر.
«تەلەارنالاردىڭ ۇلتتىق وليمپيادا كوميتەتى مەن شەتەلدىك ءىرى اقپارات اگەنتتىكتەرىنەن فوتو,-ۆيدەوماتەريالدار الۋ مۇمكىندىگى قاراستىرىلعان», دەلىنگەن حابارلامادا.
ايتا كەتسەك, 23 شىلدە مەن 8 تامىز ارالىعىندا جاپونيا استاناسىندا XXXII جازعى وليمپيادا ويىندارى وتەدى. بۇل جولعى وليمپياداعا كورەرمەندەر قاتىسپايدى. قازاقستان قۇراماسىندا سپورتتىڭ 27 تۇرىنەن 96 جولداما بار.
