ساياسات • 20 شىلدە، 2021

كومپانيا ۋادەسىن ورىندادى

47 رەت كورسەتىلدى

وتكەن اپتادا ەرىكتىلەر ماڭعىستاۋ وبلىسىنداعى مال ازىعىنا مۇقتاج اۋداندارعا ءشوپ جەتكىزۋگە كومەكتەسۋدى سۇراپ، الەۋمەتتىك جەلىلەر ارقىلى «قازاقستان تەمىر جولى» ۇك» اق باسشىلىعىنا جۇگىنگەن. بۇل ۋاقىتقا دەيىن جەرگىلىكتى جۇك جونەلتۋشىلەردىڭ كۇشىمەن 9 شىلدە كۇنى ارىستانعا ەكى ۆاگون ءشوپ جىبەرىلگەن.

12 شىلدەدە ۇلتتىق كومپانيا مەن «قازتەمىرترانس» اق («قتج» ۇق» اق ەنشىلەس مەكەمەسى) باسشىلىعىنىڭ تاپسىرماسى بويىنشا تەز ارادا ۆاگوندار قاراستىرىلىپ، جەكە ەكسپەديتور كومپانيالاردىڭ قارجىلاي قولداۋىمەن ءشوپ تيەلگەن 5 ۆاگون باتىس وڭىرگە جىبەرىلدى.

ىلە ەرىكتىلەر ءشوپ تاسيتىن ۆاگوندار سانىن كوبەيتۋ جو­نىندە تاعى دا ۇسىنىس جاسادى.

2021 جىلدىڭ 16 شىلدەسىنە دەيىنگى شۇعىل اقپارات بويىنشا سەرىكتەستەر «شىنگار ترانس» جشس، «پرومماش KZ» جشس، Integra Construction KZ جشس، «باستاۋ ترانس»جشس قار­جىلاي قول­داۋى­مەن ارىس جانە سارىاعاش ستانسالارىنان باتىسقا 10 ۆاگون جونەلتىلدى. تاعى 30 ۆاگونعا قوسىمشا ءوتىنىش ءتۇستى. ۆاگونعا دەگەن سۇرانىس ءالى دە كوبەيۋى مۇمكىن.    

كۇردەلى جاعدايدى ەسكەرە وتىرىپ، ۇلتتىق كومپانيا ۆاگوندار مەن لوكوموتيۆتى قوسا العاندا، ەرىكتىلەر جيناعان ءشوپتى تەگىن تاسىمالداۋ تۋرالى شەشىم شىعاردى. بۇل جەڭىلدىك شەكتەۋلى ۋاقىت­قا دەيىن كۇشىندە بولادى. سونىمەن قاتار «قتج» ۇق» ماگيسترالدىق جەلىلەردىڭ مونوپوليالىق قىزمەت ءتا­ريفى جەڭىلدىكسىز تولىق تولەنۋ­گە ءتيىس ەكەنىن ەسكە سالادى. جالپى ەسەپتەگەندە ەرىكتىلەر تاسىمال قاشىقتىعىنا قاراي، ءبىر ۆاگونعا 102-دەن 120 مىڭ تەڭگەگە دەيىن تولەۋگە ءتيىس.

جۇكتى جىبەرۋشى مەن قابىلداپ الۋشىعا دەيىنگى تاسىمالدى ۇيىمداستىرۋدى «قازتەمىرترانس» اق ەكسپە­ديتورلىق قىزمەت تولەمىنسىز مىندەتىنە الىپ وتىر، دەپ حابارلادى «قتج» اق ءباسپاسوز قىزمەتى.

 

«ەگەمەن-اقپارات»

 

سوڭعى جاڭالىقتار

جەتى ءتۇرلى ءسوز

ادەبيەت • كەشە

انتىنا ادال ازامات

قازاقستان • كەشە

ەلوردا كۇنىنە تارتۋ

تەاتر • كەشە

ۇقساس جاڭالىقتار