قازىرگى ۋاقىتتا وبلىستا 8 مىڭعا جۋىق جاس تۇرعىن ءۇي كەزەگىندە تۇر.
«تۇرعىن ءۇي الۋعا كەزەكتە تۇرعان جاستاردىڭ جالپى سانىنان كوپشىلىگى جەتىم بالالار جانە اتا-اناسىنىڭ قامقورلىعىنسىز قالعان بالالار ساناتىنا جاتادى. ولار ءۇشىن وبلىس اكىمىنىڭ تاپسىرماسى بويىنشا 2020–2022 جىلدارعا ارنالعان تۇرعىن ۇيمەن قامتاماسىز ەتۋدىڭ كەشەندى جوسپارى ازىرلەندى. ءبىرىنشى جارتىجىلدىقتا 72 پاتەر بەرىلدى», دەدى جاستار ساياساتى ماسەلەلەرى باسقارماسىنىڭ باسشىسى ءبىرجان ءالىمجانوۆ.
سونداي-اق وتىرىستا جاس ماماندار ءۇشىن قولجەتىمدى يپوتەكا تۋرالى ماسەلە كوتەرىلدى.
«قازىر جۇمىس كريتەريلەرىن انىقتاۋ ءۇشىن «وتباسى بانكپەن» كەلىسسوزدەر جۇرگىزىلۋدە. «جاستار يپوتەكاسى» وڭىرلىك باعدارلاماسى جاس قاراعاندىلىقتاردى قولداۋدىڭ ماڭىزدى قۇرالىنا اينالادى. وكىلدەرى جەڭىلدەتىلگەن يپوتەكالىق نەسيەلەندىرۋگە ۇمىتتەنە الاتىن ماماندىقتار ءتىزىمىن مۇقيات قاراستىرۋدى تاپسىرامىن», دەدى جەڭىس قاسىمبەك.
