الماتى قالاسى پد كريمينالدىق پوليتسيا باسقارماسىنىڭ قىزمەتكەرلەرى الماتى قالاسى بويىنشا ۇقكد بىرگە قالاداعى حالىقارالىق اۋەجاي اۋماعىندا جەدەل-ىزدەستىرۋ جۇمىسىن جۇرگىزدى. ناتيجەسىندە 1992 جىلى تۋعان ج.ەسىمدى جانە 1993 جىلعى ي.ەسىمدى ازامات ۇستالدى. بەلگىلى بولعانداي, قاماۋعا الىنعاندار شەتەلگە شىققاندار ءۇشىن تەرىس پتر-سىناعىن جاساپ, بارلىعى15-20 انىقتاما ساتقان. كليەنتتىڭ جەكە دەرەكتەرى مەن انىقتامانىڭ بەرىلگەن كۇنىن تۇزەتكەن, كەيىننەن جولاۋشىلاردى ۇشاققا وتىرعىزۋعا جىبەرگەن. الىنعان قاراجاتتى اۋە كومپانيالارىنىڭ وكىلدەرى اراسىندا بولىسكە سالعان.
«قازىرگى ۋاقىتتا جەدەل-تەرگەۋ ءىس-شارالارىنىڭ كەشەنى جۇرگىزىلۋدە, قاماۋعا الىنعانداردىڭ وسىعان ۇقساس تەرىس پتر سىناقتارىن جاساعان فاكتىلەرگە قاتىستىلىعى انىقتالۋدا. ءتيىستى ساراپتامالار تاعايىندالدى. «ساتۋشىلار», قر قىلمىستىق ءىس جۇرگىزۋ كودەكسىنىڭ 128 بابىنا سايكەس ۋاقىتشا ۇستاۋ يزولياتورىنا قامالدى», دەدى ۆەدومستۆادا.
