الەم • 19 شىلدە، 2021

ەۋروپا ەلدەرىندەگى سۋ تاسقىنى

174 رەت كورسەتىلدى

ەۋروپانىڭ بىر­نەشە ەلى كوپكۇندىك نوسەر جاڭبىر مەن سۋ تاسقىنىنان زارداپ شەگىپ، 160-تان استام ادام قازا تاپتى، جۇزدەگەن ادام جاراقات الدى.

 

سەنبىگە قاراي زارداپ شەككەن ايماقتاردىڭ كوپشىلىگى قالپىنا كەلتىرىلدى، بىراق شەنەۋنىكتەر سۋعا باتقان اۆتوموبيلدەر مەن جۇك كولىكتەرىندە قازا بولعانداردىڭ دەنەلەرى ءالى دە تابىلۋى مۇمكىن دەگەن بولجام ايتادى.

گەرمانيا ۇكىمەتىنىڭ مالىمدەۋىنشە، ەكى قالادا كەم دەگەندە 141 ادام قازا بولدى. بەلگيانىڭ ۇلتتىق داعدارىس ورتالىعى ەلدە قازا تاپقاندار سانى 27-گە جەتكەنىن حابارلادى.

گەرمانيا پرەزيدەنتى فرانك-ۆالتەر شتەينمايەر سولتۇستىك رەين-ۆەستفالياداعى ەرفتستادتقا ساپارلاپ باردى، وندا جۇمادا اۋقىمدى قۇتقارۋ جۇمىستارى باستالعان-دى.

«ازاماتتارىمىز ءومىر بويى سالعان، جيناعان م ۇلىكتەرىنەن، ۇيلەرىنەن، ايىرىلدى. بىرنەشە اپتادان كەيىن شىعىندى ەسەپتەۋ مۇمكىن بولار»،  دەدى شتەينمايەر.

كوپتەگەن اۋداندا ەلەكتر قۋاتى جانە تەلەفون بايلانىسى ۇزىلگەن. سوندىقتان حابار-وشارسىز كەتكەن ادامدار سانىن ناقتى ايتۋ مۇمكىن ەمەس.

شتەينمايەرمەن ەرفتستادتقا بىرگە بارعان سولتۇستىك رەين-ۆەستفاليا جەرىنىڭ گۋبەرناتورى ارمين لاچە زارداپ شەككەندەرگە تەز ارادا كومەك ۇيىمداستىرۋعا ۋادە بەردى. ونىڭ ايتۋىنشا، بيلىك الداعى كۇندەرى قالپىنا كەلتىرۋ جۇمىستارىن قالاي قولداۋ كەرەكتىگىن تالقىلايدى. كانتسلەر انگەلا مەركەلدىڭ كابينەتى بۇل ماسەلەنى سارسەنبىدە تالقىلاۋدى جوسپارلاپ وتىر.

شەكارانىڭ ارعى جاعىندا، بەلگيانىڭ شىعىسىن­دا تەمىر جول جەلىلەرى مەن كوپتەگەن ۇلكەن جول جابىلدى.

بەلگيا پرەمەر-ءمينيسترى الەكساندر دە كروو مەن ەۋروپالىق كوميسسيانىڭ پرەزيدەنتى ۋرسۋلا فون دەر ليايەن سەنبى كۇنى تاڭەرتەڭ ەلدىڭ ەڭ كوپ زارداپ شەككەن ايماقتارىنا باردى.

«ۇيلەرىنەن ايىرىلعان جانە بار جيعانىن جوعالتقان ادامدارمەن كەزدەسكەندە مەنىڭ جۇرەگىم سىزدادى. ولارعا ەۋروپا وزدەرىمەن بىرگە ەكەنىن جەت­كىز­دىم. جاقىن ارادا كومەك كورسەتىلەدى»، دەپ جازدى فون دەر ليايەن الەۋمەتتىك جەلىدەگى ءوز پاراقشاسىندا.

زارداپ شەككەن ەلدەر قاتارىندا شۆەيتساريا، فرانتسيا مەن نيدەرلاند تا بار.

 

 

سوڭعى جاڭالىقتار

دوستىق بەسىگى

ايماقتار • بۇگىن، 08:43

ەل كۋبوگى ءۇشىن تالاسادى

فۋتبول • بۇگىن، 08:40

شيرەك فينالدا ۇتىلدى

تەننيس • بۇگىن، 08:39

دايارلىقتارىن پىسىقتادى

حوككەي • بۇگىن، 08:37

ازىرگە بەسىنشى ورىندامىز

سپورت • بۇگىن، 08:30

ون جىلعا سوتتالدى

قوعام • بۇگىن، 08:25

41 جوباعا – 11،2 ملرد تەڭگە

ايماقتار • بۇگىن، 08:20

732،5 ملرد تەڭگە تارتىلادى

ايماقتار • بۇگىن، 08:15

ۇقساس جاڭالىقتار