بەلسەندى كۇرەس باسەڭدەمەسىن

“نۇر وتان” حالىقتىق-دەمو­كرا­تيالىق پارتياسى مەن ەلىمىزدىڭ قارجى پولي­تسياسى بىرلەسىپ جەم­قور­لىققا قارسى كۇرەس اك­تسياسىن باستادى. “سەنىڭ جەمقورلىققا قار­سىلىعىڭ وتە ماڭىزدى” اتتى رەس­پۋب­­ليكالىق اقپاراتتىق-نا­سي­حات­تىق اكتسيانىڭ باستال­عاندىعى تۋرالى “نۇر وتان” حدپ-نىڭ ورتالىق اپپاراتىندا پار­تيا توراعاسىنىڭ ءبىرىنشى ورىنباسارى نۇرلان نىع­ماتۋلين مەن ەكونومي­كا­لىق قىلمىسقا جانە سىبايلاس جەم­قورلىققا قارسى كۇرەس اگەنت­تى­گىنىڭ توراعاسى قايرات قوجام­جاروۆتىڭ وتكىزگەن ءباسپاسوز ءماس­لي­حاتىندا  ءمالىم بولدى. بيىل ەكىنشى رەت وتكىزىلە باس­تاعان شارا ەلىمىزدىڭ بارلىق ايماقتارى بويىنشا 2010 جىلدىڭ مامىر ايى اۋقى­مىن قامتيدى. جەم­قور­لىق­پەن كۇرەس ۇدەرىسىنە ازاماتتىق قوعام ينستيتۋتتا­رىن كەڭ كو­لەم­دە تارتۋ, قازاقستان­دىق­تاردىڭ ىندەتكە قارسى كوزقاراسىن قالىپ­تاس­تىرۋ كوزدەلگەن. وسىعان باي­لا­نىستى “نۇر وتان” حدپ مەن ەكو­نوميكالىق قىلمىسقا جانە سىبايلاس جەم­قور­لىققا قارسى كۇرەس اگەنتتىگى اراسىندا بىرلەسكەن ءىس-شارالار جوسپارى بەكى­تىلىپتى. ولار­دىڭ قاتارىندا “وزىڭنەن باستا” دەپ اتا­لاتىن جەمقورلىققا قارسى ايماقتىق قوعامدىق كەڭەس­تەر­دىڭ كەڭەيتىلگەن وتىرىس­تارى, كاسىپكەر­لەر­مەن كەز­دەسۋ, جاستاردىڭ پىكىر­ساي­ىستارى, اگەنتتىك باس­شى­لارى مەن پارتيا فيلي­الىن­داعى ايماق­تىق قۇرى­لىمدار جەتەكشىلەرىنىڭ ازاماتتاردى قابىلداۋى, جۋرناليس­تىك زەرتتەۋ, الەۋ­مەتتىك ساۋالداما­لار, اقپا­راتتىق ۇنقاعازدارىن تاراتۋ سياقتى ءىس-شارالار بار. ءباسپاسوز ءماسليحاتىندا ەل­باسى, “نۇر وتان” حدپ توراعاسى نۇر­سۇل­تان نازار­باەۆ بۇل الەۋمەتتىك كەسەل­مەن بەلسەندى كۇرەسۋ قاجەت­تىگىن ۇدايى ايتىپ, تاپ­سىرما بەرىپ كەلە جاتقانى اتاپ كورسەتىلدى. “سوندىق­تان جەمقور­لىقپەن كۇرەس پار­تيا­مىزدىڭ نەگىزگى باعىت­تارىنىڭ ءبىرى دەپ ايتۋعا بولادى. وسى ماقساتتا “نۇر وتاننىڭ” باستاماسىمەن كوپتەگەن شارالار ۇيىمداس­تى­رى­لىپ, بۇگىنگى كۇنى ولار ءوز ناتيجە­لەرىن بەرىپ وتىر. ارينە,  جەمقور­لىقپەن كۇ­رەس ءبىر ادامنىڭ, ءبىر مە­كەمەنىڭ جۇمىسى ەمەس. بۇل ءىن­دەتپەن حالىق بولىپ, قوعام بولىپ كۇرەسۋىمىز كەرەك”, دەدى ن.نىعماتۋلين. ەل ازاماتتارىنىڭ جەم­قورلىققا قاتىستى اقپارات­تاردى, كەز كەلگەن فاكتىلەردى 8 800 080 3000, 144 تەلە­فون­دارى ارقىلى تەگىن قو­ڭىراۋ شالىپ جەتكىزۋلەرىنە بولادى. اراي ۇيرەنىشبەكقىزى.