ايماقتار • 17 شىلدە، 2021

جايىق وزەنىنە بەكىرەنىڭ 100 مىڭ شاباعى جىبەرىلدى

287 رەت كورسەتىلدى

اتىراۋدا جايىق وزەنىنە بەكىرە تۇقىمداس بالىقتىڭ 100 مىڭ شاباعى جىبەرىلدى. بيىل «Caspian Royal Fish» جشس توعانداردا بەكىرە تۇقىمداس بالىقتاردىڭ شاباعىن وسىرە باستادى. شاباقتار سالماعى – 3-10 گرامم، دەپ جازادى Egemen.kz.

وبلىستىق بالىق شارۋاشىلىعى باسقارماسىنىڭ باسشىسى ارتۋر سادىبەك ۇلىنىڭ ايتۋىنشا، بۇل – سەرىكتەستىكتەگى ءۇش توعاننىڭ بىرىنەن جىبەرىلگەن شاباقتار.

«ماڭعىستاۋ وبلىسىنىڭ تابيعات پايدالانۋشىلارىمەن كەلىسىمشارت جاسالعان بولاتىن. سونىڭ ءبىرى – «اكتاۋ-بالىك LTD» جشس جايىق وزەنىنە بەكىرە تۇقىمداس بالىقتاردىڭ شاباق جىبەرۋگە قولداۋ ءبىلدىردى. وسىلايشا، ءبىز وڭىردەگى سۋ ايدىنىن بەكىرە تۇقىمداس بالىقتاردىڭ قورىمەن تولىقتىرۋعا ۇلەس قوسۋدى كوزدەدىك» دەيدى باسقارما باسشىسى ارتۋر سادىبەك ۇلى.

اتالعان سەرىكتەستىكتىڭ زاۋىتىنا 2014 جىلى باشقۇرتستاننان 15 مىڭ بەكىرە تۇقىمداس بالىق اكەلىنگەن. پولشادان ورىس بەكىرەسىنىڭ 100 مىڭ دانا ۋىلدىرىعى الىنىپ، زاۋىتتاعى باسسەيندەردە وسىرىۋدە. التى جىلدا بالىقتاردىڭ سالماعى 8-9 كەلىگە جەتكەن.

قازىر سەرىكتەستىكتىڭ زاۋىتىندا باعالى بەكىرە بالىقتارىنىڭ ءتورت ءتۇرى – ورىس بەكىرەسى، سۇيرىك، قورىتپا مەن ءسىبىر بەكىرەسى وسىرىلەدى.

ء«بىزدىڭ سەرىكتەستىكپەن بىرنەشە تابيعات پايدالانۋشى تىعىز بايلانىس ورناتتى. ونىڭ ىشىندە «جۋمامۋراتوۆ ك.ە.»، «شاباروۆ ۆ.ا.»، «ساماروۆ ا.ۆ.»، «ينۆاليدى ۆوينى ۆ افگانيستانە»، «ميكور»، «روزەنكو ۆ.ۆ.»، «تولقىن»، «ان-گرۋپپ»، «كولەسنيك س.ۆ.»، «تاۋشىق اۋىل شارۋاشىلىعى»، «باتىس مۋناي ترانس»، «يساتاي وپەرەيتينگ كومپاني» جانە «اكتاۋ بالىك كومپاني» سەرىكتەستىكتەرى بار. بۇگىن وسى سەرىكتەستىكتەر مەن وبلىستىق  بالىق شارۋاشىلىعى باسقارماسىنىڭ وكىلدەرىنەن قۇرىلعان كوميسسيا مۇشەلەرى شاباقتاردىڭ سانىن ەسەپتەدى. سودان سوڭ، شاباقتار جايىق وزەنىنە جىبەرىلدى» دەيدى «Caspian Royal Fish» جشس-ءنىڭ  باس بالىق ءوسىرۋشىسى احات نيماتوۆ.

سوڭعى جاڭالىقتار

بۇۇ-نىڭ جاھاندىق شارتىنا قوسىلدى

ەكونوميكا • بۇگىن، 00:34

جەتى ءتۇرلى ءسوز

ادەبيەت • كەشە

انتىنا ادال ازامات

قازاقستان • كەشە

ەلوردا كۇنىنە تارتۋ

تەاتر • كەشە

ۇقساس جاڭالىقتار