«ۆاكتسينا الۋدا ونىڭ پاسپورتى شەتەلدە مويىندالعانى ەمەس, ونىڭ قانشالىقتى ءتيىمدى ەكەنى ماڭىزدى. باستى ماقسات – ۆاكتسينانىڭ ادام اعزاسىن قورعاۋى, سول ارقىلى دەنساۋلىعىمىزدى ساقتايمىز. ءبىز ءۇشىن ەڭ باستىسى وسى.
بۇگىنگى كۇنى قازاقستاندا الىنعان ۆاكتسينانىڭ پاسپورتىن تايلاند, موڭعوليا, ۆەنگريا, قىرعىزستان, گرۋزيا, كيپر, تۇركيا ەلدەرى مويىنداپ وتىر. سول سەكىلدى رەسەيدە دە ەاەو اياسىندا ۆاكتسينا پاسپورتىن مويىنداۋ كەلىسسوزى جۇرگىزىلۋدە.
سونىمەن قاتار, ءبىزدىڭ مينيسترلىك سىرتقى ىستەر مينيسترلىگىمەن بىرلەسىپ ءوزارا ۆاكتسينا پاسپورتىن مويىنداۋ تۋرالى كەلىسسوزدەر جۇرگىزىپ جاتىر. ياعني شەتەلدىكتەردىڭ ۆاكتسينا پاسپورتىن ءبىز عانا مويىنداپ قويماي, ەكىجاقتى ەتۋ مىندەتى تۇر», دەدى قر دەنساۋلىق ساقتاۋ مينيسترلىگى سانيتاريالىق-ەپيدەميولوگيالىق باقىلاۋ كوميتەتىنىڭ توراعاسى ايجان ەسماعامبەتوۆا وكق-دە وتكەن ءباسپاسوز ءماسليحاتىندا.
