الماتى وبلىسىنىڭ توتەنشە جاعدايلار دەپارتامەنتىنىڭ مالىمەتىنشە, سەل 14 شىلدە كۇنى ساعات 16.00-دەن 17.00-گە دەيىن الماتى وبلىسى كەربۇلاق اۋدانى كوكسۋ اۋىلدىق وكرۋگىندە بولعان.
«كوكسۋ شاتقالىندا جاڭبىر مەن بۇرشاق تۇرىندەگى قاتتى جاۋىن-شاشىننىڭ سالدارىنان بالشىق اعىنى ءجۇرىپ ءوتتى. وسىعان بايلانىستى كوكسۋ ورمان شارۋاشىلىعىنىڭ ءبىرىنشى كوردونىنا اپاراتىن جول جابىلدى. قازىر سەل توقتادى. جول تازارتىلدى. زارداپ شەككەندەر جوق», دەپ حابارلادى وبلىستىق توتەنشە جاعدايلار دەپارتامەنتىنەن.
الماتى وبلىسىنىڭ توتەنشە جاعدايلار دەپارتامەنتى كۇن سايىن وبلىس اۋماعىندا وتكىنشى جاڭبىر جاۋىپ, نايزاعاي ويناپ, جەل بولاتىنى تۋرالى ەسكەرتۋ جاريالايدى.
