بۇل اتاق رەجيسسەرگە «ماريام» ءفيلمى ءۇشىن بەرىلدى.
«مەن ءۇشىن كۇتپەگەن جاڭالىق بولدى. «ماريام» ءفيلمى بۇعان دەيىن بىرنەشە حالىقارالىق سىيلىققا يە بولعان. فەستيۆالداعى تاعدىرى توقتاعان شىعار دەپ ويلاۋشى ەدىم. ەۋروپادا ورتالىق ازيادان «ۇزدىك رەجيسسەر ايەل» اتانعانىما ەرەكشە قۋانىشتىمىن», دەيدى رەجيسسەر.
فيلم كۇيەۋى جوعالىپ كەتكەن سوڭ ءتورت بالاسىمەن شالعايداعى اۋىلدا قىستاپ قالعان ماريام اتتى ايەلدىڭ ءومىرىن باياندايدى. باستى ءرولدى سول كەيىپكەردىڭ ءپروتوتيپى مەرۋەرت سابۋسسينوۆا ويناعان. مەرۋەرت بالالارىمەن الىس اۋىلدا تۇرادى, كۇيەۋى ءبىرشاما ۋاقىت بۇرىن تۋىستارىمەن بىرگە جۇمىسقا كەتىپ, قايتىپ ورالماعان. رەجيسسەر كەيىپكەردىڭ وتباسىنداعى وسى وقيعانى ەستىگەن سوڭ فيلم تۇسىرۋگە بەكىنىپتى.
فيلم وسىعان دەيىن لوكارنو, تورونتو, پۋسان, سونداي-اق تۇركيا مەن يسپانياداعى كينوفەستيۆالداردا كورسەتىلدى. قازىرگى ۋاقىتتا شاريپا ورازباەۆا جاڭا تۋىندىسىن ءتۇسىرىپ بولدى.
