وتكەن تاۋلىكتە, 13 شىلدەدە قالادا كارانتيندىك شەكتەۋلەردى بۇزعان 4 كاسىپكەرلىك نىسان انىقتالدى.
ەسىل اۋدانىنىڭ مونيتورينگتىك توبى جۇمىس رەجيمىن بۇزعانى, سونداي-اق قىزمەتكەرلەرىنىڭ بەتپەردە تاقپاعانى ءۇشىن «Bariton» كاراوكە-كلۋبىن اكىمشىلىك جاۋاپكەرشىلىككە تارتتى. ال «Aura club Alanya» تۇنگى كلۋبى ەسىكتەرىن جاۋىپ الىپ جۇمىس ىستەگەن.
سونىمەن قاتار بەلگىلەنگەن ۋاقىتتان كەيىن الماتى اۋدانىندا ورنالاسقان «وسوبا» كافەسى, «Respawn» كومپيۋتەرلىك كلۋبى, سونداي-اق سارىارقا اۋدانىندا «Bariton» كاراوكە-بارى جۇمىسىن جالعاستىردى.
ءتارتىپ بۇزۋشىلارعا قاتىستى جينالعان ماتەريالدار ءتيىستى شارالار قابىلداۋ ءۇشىن اۋداندىق سانيتارلىق-ەپيدەميولوگيالىق باقىلاۋ باسقارماسىنا تاپسىرىلدى.
ەستەرىڭىزگە سالا كەتەيىك, قالاداعى ەپيدەميولوگيالىق احۋال ءالى دە تۇراقسىز بولىپ وتىر. كۆي ينفەكتسياسىن جۇقتىرعاندار سانى ارتىپ كەلەدى. ماسەلەن, ەلوردادا وتكەن تاۋلىكتە 1000-نان استام ادام كوروناۆيرۋس جۇقتىردى. جاعدايعا بايلانىستى قالا تۇرعىندارى مەن قوناقتارى, كاسىپكەرلىك نىساندارى سانيتارلىق نورمالاردى, شەكتەۋ شارالارىن قاتاڭ ساقتاۋى ءتيىس.
