قوعام • 12 شىلدە، 2021

يپوتەكا ءبىر كۇندە راسىمدەلەدى

251 رەت كورسەتىلدى

ەلىمىزدە يپوتەكا راسىمدەۋ پروتسەسى دە تسيفرلانا باستادى. ءوتىنىشتى قابىلداۋدان باستالىپ نەسيە بەرۋگە دەيىنگى پروتسەسس تۇگەلدەي ادامنىڭ قاتىسۋىنسىز جۇزەگە اسادى. ناتيجەسىندە كليەنت ۇيدەن شىقپاي اق باسپانالى بولۋعا قادام جاسايدى.

Freedom Finance Bank ۇسىنا­تىن ونلاين يپوتەكا 3-15 جىل ارا­لىعىنا بەرىلەدى، سىياقى مول­شەرلەمەسى – 10،5-11 پايىز كولە­مىندە، العاشقى تولەمى – 20 پا­يىزدان باستالماق. بەرىلەتىن ماكسيمالدى نەسيە – 70 ملن تەڭگە.

ىسكە اساتىن پروتسەسس بارىنشا قاراپايىم ويلاستىرىلعان. ازامات ءوتىنىش بەرەدى جانە ەڭ سوڭىندا تۇرعىن ءۇيدىڭ ءوز اتى­نا راسىمدەلگەنى تۋرالى SMS الا­دى. ال اقشا اۆتومات­تى تۇر­دە ساتۋشىنىڭ شوتى­نا تۇسە­دى. الەمدە وزگە دە وسىن­داي تسيفر­­لى يپوتەكا جۇ­يەسى بار. بى­­راق ولاردىڭ ءوزى تولىق­قان­دى ەمەس، تەك 70 پايىز مول­شە­رىندە تسيفرلاندىرىلعان ەكەن. سوندىقتان بۇل تۇرعىدا قا­زاق­­س­تاندىق ءونىم وزگەلەردەن وق بويى وزىق تۇر دەۋگە بولادى. Freedom Holding Corp ديرەكتورلار كەڭەسىنىڭ توراعاسى تيمۋر تۇرلوۆتىڭ ايتۋىنشا، بانك جۇمىسىن باستاعاننان بەرى باسشىلىق يپوتەكا بەرۋ­دى مەيلىنشە جەڭىلدەتۋدى قاراس­تىرعان. ناتيجەسىندە وسىنداي ونلاين ءونىم دۇنيەگە كەلگەن. ونىڭ سوزىنشە، بىزدە ەكىنشى دەڭگەيلى بانكتەر يپوتەكا راسىمدەۋ ءۇشىن كەم دەگەندە ءبىر قىزمەتكەردى جالدايدى. وعان جالاقى تولەۋ كەرەك، بۇل ۇزاق مەرزىمدە ءبىرشاما شىعىن بولادى. ال تسيفرلاندىرۋ مۇنداي باسى ارتىق شىعىننان قۇتقارادى.

بانك ونلاين يپوتەكا اياسىن­­دا شوتتى اشۋ، حالىققا قىز­مەت كورسەتۋ ورتالىعىندا ەلەك­ترون­دى تىركەۋ، نوتاريالدى كەلى­سىم جاساۋ جانە كەپىلگە قويۋ پرو­تسەستەرىن تسيفرلاندىرىپ وتىر. ازىرگە نەسيەنىڭ بۇل ءتۇرى تەك نۇر-سۇلتان مەن الماتى قا­لا­­لارىنىڭ تۇرعىندارى ءۇشىن ءتيىم­دى.

ء«ونىمدى جاساۋ كەزىندە وز­گە ەلدەر تاجىريبەسىن زەرت­تە­دىك، الدىڭعى قاتارلى توپ-10 ەل­دى تاڭداپ، اسا قاتتى تسيفرلان­دىرىلعان بانكتەردى تاپتىق. سوندا بايقاعانىمىز – ولاردىڭ بارلىعىندا تەك باستاپقى كە­زەڭ – ءوتىنىش بەرۋ كەزەڭى جانە في­نال­دىق كەزەڭ – اقشانى كارتوچكا ارقىلى الۋ عانا ونلاين اتقارىلادى. وزگە پروتسەستىڭ ءبارى وفلاين تۇردە ىسكە اسادى. سوندىقتان ءبىزدىڭ ءونىم تەك قا­زاقستاندا عانا ەمەس، الەمدە دە ۇزدىك اتانىپ وتىر دەپ سەنىممەن ايتا الامىز»، دەيدى ديرەكتورلار كەڭەسى جانىنداعى كەڭەسشى ايدوس جۇماعۇل.

ماتەماتيكالىق اناليز نەگى­زىندە جىلجىمايتىن م ۇلىكتى باعالاۋدىڭ وزىندىك مودەلى ەنگى­زىلگەندىكتەن راسىمدەۋ كەزىندە كليەنتتەن بىردە-ءبىر قۇجات تالاپ ەتىلمەيدى. اتالعان وزىندىك مودەل ينفراقۇرىلىمنىڭ دامۋىن، كولىك قۇرالدارى مەن تاۋلاردىڭ جاقىندىعىن، ورنالاسۋىن جانە تاعى باسقا فاكتورلاردى ەسكەرە وتىرىپ، تۇرعىن ءۇي قۇنىن انىقتاۋعا مۇمكىندىك بەرەدى. سونىمەن قاتار نوتاريۋس­تار ءۇشىن ارنايى جەكە كابينەتتەر قۇرىلعان. سونىڭ ارقاسىندا ولار (نوتاريۋستار) قاشىقتان جۇمىس ىستەپ، دايىن قۇجاتتى باسىپ شىعارىپ، كەلىسىمدى ءتامام­دايدى. قۇجاتتاردىڭ ۇلكەن پاكەتىن جيناقتاۋعا كليەنتتىڭ جسن-ى مەن تەلەفون ءنومىرى جەت­كىلىكتى. بانكتىڭ بۇل ءونىمىن تسيفر­لىق دامۋ، يننوۆاتسيا جانە اەروعارىش ونەركاسىبى ءمينيسترى باعدات مۋسين دە قولداعان.

«جىلجىمايتىن م ۇلىك ساتىپ الۋ – ۇلكەن وقيعا جانە ونىڭ ونلاين فورماتتا ءوتۋى مەملەكەت ءۇشىن دە ماڭىزدى. ءبىزدىڭ مىندەتىمىز – حالىققا قىزمەت كور­سەتۋ ورتالىقتارىنداعى كە­زەكتى ازايتۋ. بولاشاقتا بارلىق يپو­تەكالىق نەسيەلەر مەن تىركەۋلەر ونلاين رەجىمىندە ءجۇرۋى ءۇشىن ءبىز بارلىق بانك مەكەمەلەرىن وسى قىزمەتتەردى جىلدام پاي­دالانۋعا شاقىرامىز»، دەدى مينيستر.

زەينەتاقى جيناعىن تۇرعىن ءۇي جاعدايىن جاقسارتۋ تۋرالى پرەزيدەنت قاسىم-جومارت توقاەۆتىڭ تاپسىرماسىن ورىنداۋ اياسىندا ەلىمىزدە 16 075 قا­رىز الۋشى بۇرىن بانكتەردەن 62 ملرد 41 ملن تەڭگەگە العان يپوتەكالىق تۇرعىن ءۇي زاەمدارىن وتەگەن. 47 133 قارىز الۋشى ءبىر رەتتىك زەينەتاقى تولەمىن جالپى سوماسى 144 ملرد 53 ملن تەڭگە بولاتىن يپوتەكالىق تۇرعىن ءۇي زاەمدارىن ءىشىنارا وتەۋ بويىنشا پايدالانعان. 8 889 قارىز الۋشى ءبىر رەتتىك زەي­نەتاقى تولەمىن العاشقى جارنا رەتىندە كادەسىنە جاراتقان.

سوڭعى جاڭالىقتار

ۇقساس جاڭالىقتار