پوليتسيا قىزمەتكەرلەرى جەدەل-ىزدەستىرۋ ءىس-شارالارىن جۇرگىزۋ كەزىندە ايەل مەن ونىڭ كامەلەتكە تولماعان بالالارىن ءولتىردى دەگەن كۇدىكتىنى ۇستادى.
وبلىستىق پوليتسيا دەپارتامەنتى ءباسپاسوز قىزمەتىنىڭ مالىمەتىنشە, قىلمىسقا قاتىستى زاتتاي دالەلدەمەلەر مەن قىلمىس قۇرالى تاركىلەنگەن.
«تەرگەۋ بارىسىندا پوليتسيا كۇدىكتىنىڭ مەرت بولعان ايەلمەن تانىس ەكەنىن انىقتادى. 11 شىلدەدە تۇنگى ساعات 03.00 شاماسىندا ولاردىڭ اراسىندا جانجال شىعىپ, 36 جاستاعى قالا تۇرعىنى 35 جاستاعى ايەلگە بىرنەشە پىشاق جاراقاتىن سالعان. شۋ كەزىندە بالالار ويانىپ كەتكەن. ەر ادام ولاردى دا بىرنەشە رەت پىشاقپەن ۇرعان», دەپ ءتۇسىندىردى دەپارتامەنتتە.
كۇدىكتى اقسۋ قالاسىنىڭ ۋاقىتشا ۇستاۋ يزولياتورىنا قامالدى. سوتقا دەيىنگى تەرگەۋ قازاقستان رەسپۋبليكاسى قك 99-بابى 2-بولىگى 1-تارماعى جانە 99-بابى 3-بولىگى بويىنشا جۇرگىزىلۋدە.
ەسكە سالا كەتسەك, 12 شىلدە كۇنى ساعات 11.40-تا اقسۋ قالاسىنداعى پاتەرلەردىڭ بىرىنەن زورلىق-زومبىلىق بەلگىلەرى بار ايەل مەن 7 جانە 5 جاستاعى كامەلەتكە تولماعان بالالاردىڭ ءمايىتى تابىلعان بولاتىن.
