قوعام • 12 شىلدە، 2021

قازاقستاندا قۇرىلىس ماتەريالدارى 15%-عا ارزاندايدى

33 رەت كورسەتىلدى

ەلىمىزدە قۇرىلىس ماتەريالدارى باعاسىنىڭ 15%-عا ارزانداۋى كۇتىلۋدە. بۇل تۋرالى قر يندۋستريا جانە ينفراقۇرىلىمدىق دامۋ ءبىرىنشى ۆيتسە-ءمينيسترى قايىربەك وسكەنباەۆ ايتتى، دەپ حابارلايدى Egemen.kz.

«قۇرىلىس ماتەريالدارى باعاسىنىڭ نەگىزسىز ءوسۋىن تومەندەتۋ ماقساتىندا «ماركەتپلەيس» اتتى ارنايى اقپاراتتىق الاڭ قۇرۋ كوزدەلىپ وتىر. ياعني، وتاندىق قۇرىلىس ماتەريالدارىن ونلاين ساتۋ الاڭى. مەملەكەتتىڭ قولداۋىمەن قۇرىلىس ماتەريالدارىن ساتۋعا ارنالعان ونلاين ساۋدا الاڭى بەلگىلەنگەن باعانى ۇستاپ تۇرۋعا مۇمكىندىك بەرەدى. بۇل ءوز كەزەگىندە باعانىڭ 15 پايىزعا ارزانداۋىنا جانە قۇرىلىس ماتەريالدارى نارىعىنىڭ اشىقتىعىن قامتاماسىز ەتەدى»، دەدى ق. وسكەنباەۆ وكق-دە وتكەن ءباسپاسوز ءماسليحاتىندا.

ۆيتسە-ءمينيستردىڭ مالىمدەۋىنشە، وتكەن جىلى «نۇرلى جەر» مەملەكەتتىك باعدارلاماسى اياسىندا قۇرىلىس ماتەريالدارىن وندىرۋشىلەر مەن قۇرىلىس كومپانيالارىنا ارنالعان www.stroimaterial.kz سايتى ىسكە قوسىلدى.

«اتالعان سايت «نۇرلى جەر» مەملەكەتتىك باعدارلاماسى اياسىندا جۇزەگە اسىرىلعان ءبىرىنشى جوبا، ال ەندى قولعا الىنعان «ماركەتپلەيس» سونىڭ جالعاسى، ەكىنشى كەزەڭ دەۋگە بولادى. بۇل ونلاين ساۋدا الاڭىندا وندىرۋشىلەر ءوز ونىمدەرىن ۇسىنا الادى. وندا بارلىق پروتسەسس ونلاين تۇردە جۇرگىزىلەدى، ياعني كەلىسىمشارتتار ەتسق  كومەگىمەن جاسالادى.

سونداي-اق لوگيستيكالىق كومپانيالاردىڭ تاۋاردى جەتكىزۋىن باقىلايتىن ارنايى فۋنكتسيا ىسكە قوسىلاتىن بولادى»، دەيدى ول.

سوڭعى جاڭالىقتار

شىمكەنتتە دە LRT سالىنۋى مۇمكىن

ايماقتار • بۇگىن، 12:50

دوللار باعاسى تاعى قىمباتتادى

ەكونوميكا • بۇگىن، 10:32

ۇقساس جاڭالىقتار