ۇيىم نەسيەلەر بويىنشا كەپىلدىك بەرەدى. ناتيجەسىندە تالاپكەرلەر مەن ستۋدەنتتەر نەگىزگى قارىز سوماسىن تولەۋ مەرزىمىن 10 جىلعا دەيىن ۇزارتىپ, نەسيە الا الادى.
باعدارلاما مەملەكەتتىك ءبىلىم گرانتىن ۇتىپ الماعان تالاپكەرلەر مەن ستۋدەنتتەردى قولداۋعا ارنالعان.
ەستەرىڭىزگە سالا كەتەيىك, بيىل گرانت سانى 5 مىڭعا ارتىپ, باكالاۆرياتقا – 56 مىڭ, ماگيستراتۋراعا – 13 مىڭنان استام جانە دوكتورانتۋراعا ءتۇسۋ ءۇشىن 1800-دەن استى.
مەملەكەتتىك ءبىلىم گرانتىن ۇتىپ الماعان تالاپكەرلەر مەملەكەت كەپىلدىگىمەن نەسيە راسىمدەۋ ارقىلى وقۋ اقىسىن تولەي الادى. ءبىلىم الۋ ءۇشىن قاراجاتتى قازاقستاندىق جوعارى وقۋ ورىندارىنىڭ كەز كەلگەنىنە جىبەرۋگە بولادى.
ء«بىلىم نەسيەسىن العان ستۋدەنت وقۋىن اياقتاعاننان كەيىن 6 ايدان سوڭ نەگىزگى قارىز سوماسىن وتەي باستايدى. نەسيە سوماسى شەكتەلمەگەن, ەڭ باستىسى, ول وقۋ قۇنىنان اسپاۋى ءتيىس. سونداي-اق تۇلەك ايىپپۇل سانكتسياسىنسىز قارىزدى مەرزىمىنەن بۇرىن تولەي الادى», دەپ حابارلادى ءبىلىم جانە عىلىم مينيسترلىگى.
نەسيەنى ەكىنشى دەڭگەيلى بانكتەر ارقىلى راسىمدەۋگە بولادى. تالاپكەر ءبىلىم نەسيەسىن الۋ ءۇشىن سەرىكتەس قارىز الۋشىنى ۇسىنۋى قاجەت.
ول بانككە جۇمىس ورنىنان سوڭعى 6 ايداعى كىرىسى مەن زەينەتاقى اۋدارىمى تۋرالى انىقتاما تاپسىرۋى ءتيىس. سونىمەن قاتار سەرىكتەس بانكتەردىڭ ارقايسىسى قارىز الۋشىعا قويىلاتىن تالاپتار مەن وقۋ اقىسىن تولەۋگە نەسيە بەرۋ شارتتارى كورسەتىلگەن جەكە باعدارلاما ازىرلەگەن.
بانكتىڭ وڭ شەشىمىنەن كەيىن بانك قارىز شارتىن جاساپ, كرەديت سوماسى وقۋ ورنىنىڭ شوتىنا اۋدارىلادى.
