«مەملەكەت باسشىسى قاسىم-جومارت توقاەۆتىڭ 10 شىلدەدەگى ۇكىمەتتىڭ كەڭەيتىلگەن وتىرىسىندا بەرگەن تاپسىرمالارىن ىسكە اسىرۋ ماقساتىندا, ءبىزدىڭ مينيسترلىك قۇرىلىس ماتەريالدارى مەن تۇرعىن ءۇي باعاسىنىڭ ءوسۋىن تەجەۋگە قاتىستى بىرقاتار كەشەندى شارالار قابىلدادى.
اتاپ ايتقاندا, ەلىمىزدە قۇرىلىس ماتەريالدارىنىڭ باعاسىن تۇراقتاندىرۋ ماقساتىندا ۇكىمەت «اتامەكەن» ۇلتتىق كاسىپكەرلەر پالاتاسىمەن بىرلەسىپ سالا بويىنشا باعا وسىمىنە بولجام جاساۋ, وندىرۋشىلەر مەن قۇرىلىستى سالۋشىلاردىڭ اراسىندا تىكەلەي ۇزاقمەرزىمدى كەلىسىمشارت جاساۋ شارالارى قولعا الىندى», دەدى قر يندۋستريا جانە ينفراقۇرىلىمدىق دامۋ ءبىرىنشى ۆيتسە-ءمينيسترى قايىربەك وسكەنباەۆ وكق-دە وتكەن ءباسپاسوز ءماسليحاتىندا.
سونىمەن قاتار ۆيتسە-مينيستر ەلىمىزدە قانداي قۇرىلىس ماتەريالدارى باعاسىنىڭ وسكەنىن جانە ونىڭ سەبەبىن اتاپ ءوتتى.
«شارا قابىلداماس بۇرىن سوڭعى 5 جىل ىشىندە قازاقستاندا قۇرىلىس ماتەريالدارى مەن جىلجىمايتىن م ۇلىك باعاسىنا بولجام جاسالدى. قۇرىلىس ماتەريالدارىنىڭ ىشىندە اسىرەسە تسەمەنت, ارماتۋرا, كىرپىش, گازدى بەتون باعاسى كەنەتتەن وسكەنى بايقالدى. سالدارىنان تۇرعىن ءۇيدىڭ باعاسى دا وسكەن. قۇرىلىس ماتەريالدارى باعاسىنىڭ ءوسۋى بيىل دا بايقالادى. جانە باعا تەك قازاقستاندا عانا ەمەس الەم بويىنشا ءوسىپ وتىر. وعان سەبەپ دەۆالۆاتسيامەن قاتار پاندەميانىڭ سالدارىنان لوگيستيكا بويىنشا شىعىندى شەكتەۋ», دەيدى ول.
