وسى ماسەلە كەسىمدى مەرزىمگە دەيىن شەشىلمەسە, بەلسەندىلەر «بۇدان دا ۇزاق ۋاقىتقا ەرەۋىلگە شىعامىز» دەگەن تالاپ قويدى. مەديتسينا قىزمەتكەرلەرىنە اسىرەسە ىندەت شەكتەۋلەرى كەزىندە جۇمىس ىستەۋ اۋىر. ونىڭ ۇستىنە جالاقى جۇمىس جۇكتەمەسىنە ساي ەمەس. ەمحاناداعى وپەراتسيانى توقتاتپاس ءۇشىن دارىگەرلەر نارازىلىق شاراسىنا كەزەكتەسىپ شىققان.
– ءبىز جانساقتاۋ ءبولىمى قىزمەتكەرلەرىنىڭ, اكۋشەرلەردىڭ, تەراپەۆتتەردىڭ جۇكتەمەسىن ازايتقانىن قالايمىز. ولاردىڭ قازىر جۇمىسى وتە اۋىر. كوبى كەتەمىز دەپ ءجۇر. بۋندەستاگ سايلاۋىنا دەيىن قىزمەتكەرلەرىمىز ءۇشىن جاڭا تاريفتىك جوسپاردى تالقىلاۋدى باستاۋدى جوسپارلاپ جاتىرمىز. تالابىمىزدىڭ مەرزىمى 20 تامىزعا دەيىن ۇزارتىلادى. مەديتسينا قىزمەتكەرلەرىنىڭ تالابى ورىندالماسا شاريتە جانە ۆيۆانتەس ەمحانالارى شەرۋگە شىعادى, – دەيدى كاسىپوداق وكىلى مايكە ەگەر.
