ايماقتار • 09 شىلدە، 2021

ورالدا ەلىك قۇتقارىلدى

32 رەت كورسەتىلدى

9 شىلدە كۇنى تاڭەرتەڭ ورال قالاسىندا ماسكەۋ كوشەسىندەگى ۇيلەردىڭ ءبىرىنىڭ اۋلا قورشاۋىنا جابايى ەلىك قىستىرىلىپ قالعان ەكەن. وقيعا ورنىنا باتىس قازاقستان وبلىستىق توتەنشە جاعدايلار دەپارتامەنتىنىڭ جەدەل قۇتقارۋ جاساعى بارىپ، جانۋاردى قۇتقاردى، دەپ حابارلايدى Egemen.kz.

ءتۇز تاعىسىنىڭ شۋلى شاھارعا قالاي تاپ بولعانى بەلگىسىز. قۇتقارۋشىلار جانۋاردى قۇرساۋدان ابايلاپ شىعارىپ، جاراقات العان جەرلەرىن ەمدەپ، تاڭىپ تاستادى. ءبىر قۋانىشتىسى، ەلىكتىڭ جاراقاتى جەڭىل ەكەن. ودان كەيىن قۇتقارۋشىلار سۇلۋ جانۋاردى قالادان 20 شاقىرىمداي ۇزاتىپ الىپ شىعىپ، ترەكين كەنتى ماڭىنداعى ورمان القابىنا بوساتىپ قويا بەرگەن.

«ەلىكتى قۇتقارۋ وپەراتسياسى باس-اياعى 1 ساعات 20 مينۋتقا سوزىلدى»، دەپ حابارلايدى توتەنشەلىكتەردىڭ ءباسپاسوز قىزمەتى.

بۇل ءىستى 4 قۇتقارۋشى مەن 1 تەحنيكا اتقارعان.

سوڭعى جاڭالىقتار

دجەرۆونتا دەۆيس جەڭىل سالماقتى تاڭدادى

كاسىپقوي بوكس • بۇگىن، 17:45

ددسۇ QazVac-تى قاشان مويىندايدى؟

كوروناۆيرۋس • بۇگىن، 12:35

ۇقساس جاڭالىقتار