قازىرگى تاڭدا جەرگىلىكتى ۆەتەريناريا سالاسىنىڭ ماماندارى اۋرۋ بەلگىلەرىن انىقتاپ, وعان قاتىستى بيلىك تاراپىنان جەدەل شارالار قابىلداندى.
اۋدانعا قاراستى اققۇم, قاراقۇم اۋىلدىق وكرۋگتەرى جانە جاقسىقىلىش كەنتىندە 24 تۇيەنىڭ اتالعان اۋرۋمەن سىرقاتتاعان جاعدايى تىركەلدى. ۆەتەرينار ماماندار تۇيەلەرگە كلينيكالىق تەكسەرۋ جۇرگىزىپ, «نەكروباكتەريوز» بولجامدى دياگنوزىن قويىپ وتىر. ول اسا قاۋىپتى اۋرۋ تۇرلەرىنە جاتپايدى.
«اتالعان اۋرۋعا جانۋارلاردىڭ بارلىق ءتۇرى ۇشىراۋى مۇمكىن. ول قاجەتتى جەم-ءشوپ قورەگىنىڭ ازدىعىنان, قۋاڭشىلىقتىڭ بولۋىنان تۋىندايدى. ماسەلەن, ول قىستان ارىق, كوتەرەم بولىپ شىققان, يممۋنيتەتى تومەن مالداردا ءجيى كەزدەسەدى. ول اۋىرعان تۇيەلەردىڭ تابانىن زاقىمداپ, ءمازولدى قاباتىن بۇزىپ تۇسىرەدى. سونداي-اق لايلى-شالشىق جەرلەردە, كوكتەمدە قورا-جايلارعا مەحانيكالىق انتيسانيتارلىق جۇمىستاردىڭ جۇرگىزىلمەۋىنەن دە پايدا بولادى.
ۆەتەرينار دارىگەرلەر اۋىرعان تۇيەلەردى ەمدەۋ ءۇشىن ءتۇرلى انتيبيوتيكتەردى قولدانۋدا», دەدى وبلىستىق ۆەتەريناريا باسقارماسى باسشىسىنىڭ ورىنباسارى انۋاربەك دارماعانبەتوۆ.
