ساپار بارىسىندا قازاقستان رەسپۋبليكاسىنىڭ پرەزيدەنتى ق.ق. توقاەۆ, قازاقستان رەسپۋبليكاسى پرەمەر-ءمينيسترىنىڭ ورىنباسارى - سىرتقى ىستەر ءمينيسترى م.ب. تىلەۋبەردى, قازاقستان رەسپۋبليكاسى پارلامەنتى سەناتىنىڭ توراعاسى م.س. اشىمباەۆ, سونداي-اق بۇۇ-نىڭ قازاقستانداعى ەلدىك توبىمەن كەزدەسۋ جوسپارلانىپ وتىر.
بۇۇ باس اسسامبلەياسىنىڭ 75-سەسسياسىنىڭ توراعاسى بولىپ سايلانعان تۇرىك ديپلوماتى ۆولكان بوزكىر بۇۇ بۇرىن-سوڭدى بولماعان كوروناۆيرۋس پاندەمياسىمەن كۇرەسىپ, ءوزىنىڭ دامۋىنىڭ ستراتەگيالىق باعىتىن دامىتۋدىڭ سىندارلى ساتىندە قىزمەتىنە كىرىستى.
50 جىلعا جۋىق تاجىريبەسى بار مەملەكەتتىك قىزمەتشى بوزكىر مىرزا باتىس ەۋروپا جانە باسقا ەلدەر توبىنان سايلاندى.
ۆولكان بوزكىر نيگەريالىق تيدجاني مۋحامماد-باندەنىڭ ورنىنا بۇۇ باس اسسامبلەياسىنىڭ توراعاسى بولدى.
بۇۇ باس اسسامبلەيا 75-ءشى سەسسياسىنىڭ باسىم باعىتتارى - COVID-19 قارسى كۇرەس, كوپجاقتىلىق قاعيداتىنا ادالدىقتى راستاۋ, گۋمانيتارلىق كۇن ءتارتىبىن العا تارتۋ, گەندەرلىك تەڭدىك ماسەلەلەرى, سونداي-اق 2030 كۇن ءتارتىبىن جۇزەگە اسىرۋ.
ۆولكان بوزكىر 2020 جىلعى 17 ماۋسىمدا بۇۇ باس اسسامبلەياسى 75-سەسسياسىندا توراعا بولىپ سايلاندى.
باس اسسامبلەيانىڭ 75-ءشى سەسسياسى 2020 جىلدىڭ قىركۇيەگىنەن 2021 جىلدىڭ قىركۇيەگىنە دەيىن جالعاسادى. بوزكىر مىرزا انكارا ۋنيۆەرسيتەتىندە زاڭگەرلىك ءبىلىم الدى. 1972 جىلدان بەرى ول ديپلوماتيالىق قىزمەتتە. بىرقاتار جوعارى ديپلوماتيالىق لاۋازىمداردا بولعان: تۇركيانىڭ نيۋ-يوركتەگى باس كونسۋلى, رۋمىنياداعى ەلشىسى جانە تۇركيانىڭ ەو-داعى تۇراقتى وكىلى. بوزكىر مىرزا 2011 جىلى تۇڭعىش رەت پارلامەنت دەپۋتاتى, سودان كەيىن كەلەسى ءۇش پارلامەنتتىك سايلاۋدا دەپۋتات بولىپ سايلاندى. پارلامەنت دەپۋتاتى بولعان توعىز جىل ىشىندە ول سىرتقى ىستەر كوميتەتىنىڭ توراعاسى, تۇركيا-اقش پارلامەنتتەرى اراسىنداعى دوستىق توبىنىڭ توراعاسى جانە تۇركيا-رەسەي قوعامدىق فورۋمىنىڭ توراعاسى بولدى. 2014 جىلدىڭ تامىزىندا ول ەۋروپالىق وداق ىستەرى ءمينيسترى جانە كەلىسسوزدەر ۇدەرىسىنە جاۋاپتى بولىپ تاعايىندالدى جانە بۇل قىزمەتتە 2016 جىلدىڭ ماۋسىمىنا دەيىن بولدى.
2018 جىلدىڭ شىلدە ايىندا ول ءتورتىنشى رەت تۇركيا ۇلى ۇلتتىق ءماجىلىسى حالىقارالىق ىستەر كوميتەتىنىڭ توراعاسى بولىپ سايلاندى. ول سونىمەن بىرگە تۇركيا-اۆستراليا پارلامەنتارالىق دوستىق توبىن باسقارۋدا.
