سپورت • 07 شىلدە، 2021

يتاليا – فينالدا

109 رەت كورسەتىلدى

فۋتبولدان ەۋروپا چەمپيوناتىنىڭ ءبىرىنشى جارتىلاي فينالىندا يتاليا جانە يسپانيا قۇرامالارى باق سىناپ، ەكى ۇجىم «ۋەمبليدە» جانكۇيەرلەرگە ناعىز فۋتبول سپەكتاكلىن ۇسىندى. نەگىزگى ۋاقىتتا جانە قوسىمشا تايمدا ەكى قۇرامانىڭ دا كۇشتەرى تەڭ ءتۇسىپ، پەنالتي سەرياسىندا «سكۋادرا ادزۋررانىڭ» باعى جاندى.

لۋيس ەنريكە باسشىلىعىنداعى يسپانيا قۇراماسى توپتىق كەزەڭ ويىندا­رىن سۇرەڭسىز وتكىزگەن بولاتىن. ە توبىنداعى العاشقى ەكى ويىندا شۆەتسيا (0:0) جانە پولشامەن (1:1) تەڭ ويناپ، سوڭعى تۋردا عانا سلوۆاكيانى (5:0) ءىرى ەسەپپەن جەڭدى. وسىلايشا ءۇش ويىندا 5 ۇپاي جيناعان پيرەنەي تۇبەگى ەلىنىڭ وكىلدەرى توپتا ەكىنشى ورىنمەن پلەي-وفف كەزەڭىنە جولداما الدى.

ال 1/8 فينالدىڭ ەكسترا-تايمىندا حورۆاتيا قۇراماسىنان 5:3 ەسەبىمەن باسىم تۇسكەن بولسا، شيرەك فينالدا وسى چەمپيوناتتىڭ جاڭالىعى سانالعان شۆەيتساريانى ماتچ سوڭىنداعى پەنالتي سەرياسىندا جەڭدى – (3:1). ەستەرىڭىزدە بولسا، شۆەيتساريا پلەي-وفف كەزەڭىندە 2018 جىلعى الەم چەمپيوندارى – فران­تسيانى جارىس جولىنان شىعارىپ جى­بەرگەن ەدى.

روبەرتو مانچيني جاتتىقتىراتىن يتاليا قۇراماسى بولسا، توپتىق كەزەڭنىڭ وزىندە-اق بيىلعى چەمپيوناتتىڭ نەگىزگى ءفاۆوريتى ەكەنىن بىردەن اڭعارتتى. سەبەبى «سكۋادرا ادزۋررا» توپتىق ويىنداردا 100 پايىزدىق ناتيجەمەن كەلەسى كەزەڭگە شىققان بولاتىن. ءبىرىنشى جانە ەكىنشى تۋردا تۇركيا مەن شۆەيتساريا قۇرامالارىنىڭ قاقپاسىنا جاۋاپسىز ءۇش گولدان سالسا، سوڭعى تۋردا ۋەلستى 1:0 ەسەبىمەن ۇتىپ، 9 ۇپايمەن پلەي-وففقا جولداما العان-دى.

1/8 فينالدا اۋستريانى قوسىمشا تايمدا جەڭسە (2:1)، شيرەك فينالدا چەمپيوناتتىڭ باس جۇلدەسىنەن ۇمىتكەر سانالعان بەلگيا قۇراماسىن ۇيىنە قاي­تاردى – 2:1.

«ۋەمبليدە» وتكەن جارتىلاي فينال ويىنىنا توقتالار بولساق، كەزدەسۋدىڭ العاشقى 10 مينۋتىندا يسپانيا فۋت­بولشىلارى 2012 جىلعى ماتچتى ەسكە ءتۇسىرىپ جىبەردى. «قىزىل فۋريا» وكىل­دەرى بىرنەشە مينۋت بويى دوپتى ءوز باقى­لاۋىندا ۇستاپ، قارسىلاستارىنا مۇلدە دوپ بەرگەن جوق. بىراق يتاليا فۋتبولشىلارى جىلدام وزدەرىنە كەلىپ، كەيىننەن يسپانيامەن تەڭ دارەجەدە ويناي باستادى. ءتىپتى ويىننىڭ 45-مينۋتىندا يتاليالىقتاردىڭ ەسەپتە العا شىعاتىن تاماشا مۇمكىندىگى بولعان. الايدا ەمەرسوننىڭ تەپكەن دوبى قاقپا باعانىنان كەرى قايتتى. ءبىرىنشى تايم 0:0 ەسەبىمەن اياقتالدى.

ەكىنشى تايم يسپانيانىڭ ازداعان باسىمدىعىمەن باستالسا دا، كەزدەسۋدىڭ ءبىرىنشى گولىن يتاليالىقتار سوقتى. 60-مينۋتتا روبەرتو مانچيني شاكىرتتەرى كەزەكتى قارسى شابۋىلدى ءتيىمدى پايدالانىپ، فەدەريكو كەزانىڭ گولى ارقاسىندا ەسەپ اشتى. الايدا 80-مينۋتتا قوسالقى قۇرامنان الاڭعا شىققان الۆارو موراتا تارازى باسىن تەڭەستىرىپ كەتتى – 1:1.

نەگىزگى ۋاقىتتا دا، قوسىمشا تايمدا دا جەڭىمپاز قۇراما انىقتالماعان سوڭ، ماتچ پەنالتي سەرياسىنا ۇلاستى. بۇل سىن­دا يتاليالىقتاردىڭ جولى بولدى – 4:2.

«سكۋادرا ادزۋررا» يسپانيا مەن برازيليانىڭ رەكوردىن جاڭارتۋعا تاعى ءبىر قادام جاسادى. ياعني يتاليالىقتار قاتارىنان 33 ماتچ ەشكىمگە جەڭىلمەي كەلە جاتىر. قازىرگى رەكورد – 35 ويىن. وسىلايشا يتاليا قۇراماسى ءوز تاريحىندا ءتورتىنشى مارتە ەۋروپا چەمپيو­ناتىنىڭ فينالىنا شىقتى. 1968 جىلى چەمپيون اتانسا، 2000 جانە 2012 جىلدارى كۇمىس جۇلدەنى قاناعات تۇتقان بولاتىن.

يتاليا مەن يسپانيا قۇرامالارىنىڭ ستاتيستيكالارىنا كوز جۇگىرتەر بولساق، ەكى ۇجىم وسىمەن قاتارىنان ءتورتىنشى چەمپيوناتتا ءبىر-بىرىمەن كەزدەستى. بۇعان دەيىن ولار ەۋرو-2008، ەۋرو-2012 جانە ەۋرو-2016-دا باق سىناعان.

2008 جىلى اۋستريا مەن شۆەي­تسا­ريادا ۇيىمداستىرىلعان دوپ دوداسىندا يسپانيا مەن يتاليا شيرەك فينالدا كەزدەسىپ، «قىزىل فۋريا» فۋتبولشىلارى ماتچ سوڭىنداعى پەنالتيدە جەڭىسكە جەتكەن بولاتىن (4:2). ال فۋتبولدا تيكي-تاكا جۇيەسى ءوزىنىڭ جەمىسىن بەرىپ تۇرعان 2012 جىلى يسپانيا سول جىلعى دودانىڭ فينالىندا يتاليانى 4:0 ەسە­­بىمەن جەڭىپ، قاتارىنان ەكىنشى رەت ەۋروپا چەمپيوناتىنىڭ قوس قۇلاقتى كۋبوگىن جەڭىپ العان ەدى. ودان كەيىن ەكى قۇرامانىڭ جولى فرانتسيادا وتكەن 2016 جىلعى كارى قۇرلىق باسەكەسىنىڭ 1/8 فينالىندا ءتۇيىستى. سول ماتچتا يتاليا 2:0 ەسەبىمەن جەڭىسكە جەتىپ، كەلەسى كەزەڭگە جولداما العان بولاتىن. مىنە، ءتورتىنشى ويىننان كەيىن يتاليا تارازى باسىن تەڭەستىردى.

سوڭعى جاڭالىقتار

شەرحان مۇرتازانىڭ ءۇيى

ادەبيەت • كەشە

«جاسىل» ايماقتا ەكى ءوڭىر

كوروناۆيرۋس • كەشە

بۇگىن - انالار كۇنى

قازاقستان • كەشە

الماتىدا تەگىن ءدارى-دارمەك قاتارى ارتتى

مەديتسينا • 18 قىركۇيەك، 2021

الەمدە ەپيداحۋال قانداي؟

الەم • 18 قىركۇيەك، 2021

توكيو مارافونى 2022 جىلعا شەگەرىلدى

سپورت • 18 قىركۇيەك، 2021

الماتىدا تاۋ بوكتەرى ورتەنىپ جاتىر

ايماقتار • 18 قىركۇيەك، 2021

ۇقساس جاڭالىقتار