مۇنداي نۇسقاۋدى گۋربانگۋلى بەردىمۇحامەدوۆ بالقان ۆەلاياتىنا (ايماق) بارعان ساپارىندا بەرگەن.
«نەيترالنىي تۋركمەنيستان» گازەتىنىڭ جازۋىنشا, تۇركىمەنستان باسشىسى گارابوگازگول مەن كاسپي تەڭىزىن بايلانىستىراتىن اۆتوموبيل كوپىرىنىڭ جاعدايىمەن تانىسقان سوڭ, جاڭا كوپىر سالۋ جانە وعان اپاراتىن جولدى قايتا جاڭارتۋ بويىنشا حالىقارالىق كونكۋرس جاريالاۋدى بۇيىرعان.
ول اتالعان شىعاناق ارقىلى وتەتىن جاڭا كوپىر تۇركىمەنستان - قازاقستان حالىقارالىق كولىك باعدارىنىڭ ماڭىزدى ينجەنەرلىك قۇرىلىمىنا اينالادى دەپ سانايدى.
بەردىمۇحامەدوۆ مارشرۋتتىڭ اشحاباد-تۇركمەنباشى كۇرە جولىمەن قوسىلۋى جول جۇيەسىنىڭ وتكىزۋ قابىلەتىن ارتتىرىپ, تۇركىمەنستان مەن كورشى مەملەكەتتەر اراسىنداعى ساۋدا كولەمىن ۇلعايتۋعا مۇمكىندىك بەرەتىنىن باسا ايتتى.
ايتا كەتەيىك, اتالعان نىسان قۇرىلىسى تۋرالى العاشقى اقپارات 2019 جىلى شىققان بولاتىن.
