الەۋمەتتىك زەرتتەۋلەردىڭ ناتيجەسىندە, نۇر-سۇلتان حالقىنىڭ 81%-ءى قايىرىمدىلىق جاسۋادى قولدايتىنى جانە مۇقتاج ادامدارعا كومەك كورسەتۋگە ءاردايىم ءازىر ەكەنى انىقتالدى. بۇل ەلىمىزدەگى ەڭ جوعارعى كورسەتكىش.
سونىمەن قاتار, ەلوردالىقتاردىڭ باسىم بولىگى ەلدەگى ينكليۋزيۆتى ءبىلىم بەرۋ جاعدايىنا كوڭىلى تولاتىنىن ايتقان. ناقتىراق ايتساق, تۇرعىنداردىڭ 57%-ءى قازاقستاندىق ءبىلىم بەرۋ جۇيەسىن ەرەكشە قاجەتتىلىكتەرى بار ادامدار ءۇشىن قولايلى دەپ سانايدى.
جاستار ورتاسىن زەرتتەۋ بارىسىندا ەلوردالىق جاستاردىڭ باستى تاڭداۋى ۆولونتەرلىك (55%) جانە سالاۋاتتى ءومىر سالتى (30%) ەكەنى بەلگىلى بولدى. وسى ورايدا, نۇر-سۇلتان جاستارىنىڭ 56%-ءى سپورتپەن تۇراقتى تۇردە شۇعىلداناتىنىن ايتا كەتكەن ءجون.
نۇر-سۇلتان تۇرعىندارى شىعارماشىلىق دامۋعا دا ەرەكشە كوڭىل بولەدى. ماسەلەن, سۋرەت سالۋ (14%), مۋزىكالىق اسپاپتاردا ويناۋ (10%) جانە ساندىك-قولدانبالى ونەرمەن (10%) اينالىساتىندار كوپ.
ەلوردالىقتاردىڭ 91%-ءى ءومىردىڭ ەڭ ماڭىزدى قۇندىلىعى وتباسى دەپ سانايدى. 41%-ءى ءپاتريوتيزمدى ەلىنە دەگەن سۇيىسپەنشىلىك, قۇرمەت جانە ماقتانىش سەزىمى ەسەپتەسە, جاستاردىڭ 32%-ءى اسكەردە قىزمەت ەتۋگە, وتانىن قورعاۋعا دايىن ەكەنىن جەتكىزگەن.
ال 79%-ءى بولاشاققا ء«بارى جاقسى بولادى» دەگەن ءۇمىت سەزىمىمەن قارايدى.
