بۇعان دەيىن حابارلانعانداي, كوكتەمگى جاۋىن-شاشىننىڭ بولماۋىنا بايلانىستى ماڭعىستاۋ وبلىسى مەن قىزىلوردا وبلىسىنىڭ ارال اۋدانىندا قاتتى قۇرعاقشىلىق بولدى. قالىپتاسقان جاعدايدا جەم-ءشوپتىڭ بولماۋىنان اتالعان وڭىرلەردىڭ مال شارۋاشىلىعى سالاسى زارداپ شەكتى.
ماڭعىستاۋ وبلىسىنىڭ تۇرعىندارىنا كومەك رەتىندە رەسپۋبليكانىڭ باسقا وڭىرلەرىنەن ەكى اپتا ىشىندە 13 مىڭ ءتۇپ جانە 92 ورام ءشوپ اكەلىندى. قوسىمشا, قوستاناي وبلىسى اپتا سايىن 5 ۆاگوننان كەبەك جونەلتۋدە. اقتوبە جانە اتىراۋ وبلىستارى ماڭعىستاۋلىق شارۋالارعا ءوز اۋماقتارىندا ءشوپ شابۋعا مۇمكىندىك بەردى.
ءشوپ ساتىپ الۋدى «كاسپي» اكك قارجىلاندىردى (204 ملن تەڭگە).
ءوز كەزەگىندە ازىق-ت ۇلىك كورپوراتسياسى 637 توننا ارپانى 17% - عا تومەندەتىلگەن باعامەن ساتتى.
ماڭعىستاۋ وبلىسىنىڭ اگروقۇرىلىمدارىندا مالدىڭ قىستاۋى ءۇشىن جانە جەكە قوسالقى شارۋاشىلىقتاردىڭ جەم ساتىپ الۋى ءۇشىن ۇكىمەت رەزەرۆىنەن 1,9 ملرد تەڭگە بولىنەدى.
ونىمەن قوسا, جايىلىمدىق جاعدايلارى جازعى جايۋدى جۇزەگە اسىرۋعا مۇمكىندىك بەرەتىن بەينەۋ جانە قاراقيا اۋداندارىنا مالدى تاسىمالداۋ جۇزەگە اسىرىلۋدا. سونداي-اق, اقتوبە, اتىراۋ جانە سولتۇستىك قازاقستان وبلىستارىنىڭ اۋماعىنا جاز كەزىندە مال جايۋ ءۇشىن 2260 باس جىلقى, 3 مىڭ قوي, 200 تۇيە جانە 1010 باس ىقم تاسىمالداندى.
جالپى العاندا, ماڭعىستاۋ وبلىسىنداعى جاعداي تۇراقتاندى, مال ءولىمى توقتادى.
قىزىلوردا وبلىسىنىڭ ارال اۋدانىنا جوڭىشقا جەتكىزۋ ۇيىمداستىرىلدى, سونىمەن قاتار, مىڭ توننادان استام ءشوپ, 40 توننا قۇنارلى جەم ءتۇستى. ازىق-ت ۇلىك كورپوراتسياسى ارقىلى 600 توننا ارپا ساتىپ الۋ تۋرالى كەلىسىم-شارت جاسالدى. سونداي-اق, جەم-ءشوپتى 10-15% ارزانداتىلعان ساتۋ بويىنشا اۋىل شارۋاشىلىعى جارمەڭكەسى وتكىزىلدى. بۇدان باسقا, جەرگىلىكتى بيۋدجەت قاراجاتى ەسەبىنەن ازىق قۇنىن سۋبسيديالاۋعا 3,4 ملرد تەڭگە كولەمىندە قاراجات ءبولۋ تۋرالى ماسەلە قاراستىرىلۋدا.
قىزىلوردا وبلىسىنىڭ ارال اۋدانىنداعى جاعداي دا تۇراقتاندى, مال ءولىمى فاكتىلەرى تىركەلمەدى.
اۋىل شارۋاشىلىعى مينيسترلىگىنىڭ جانىنان جەم-شوپپەن قامتاماسىز ەتۋ جانە جەدەل دەن قويۋ ماسەلەلەرىن شەشۋدى ۇيلەستىرۋ ءۇشىن رەسپۋبليكالىق جەدەل شتاب قۇرىلدى, ونىڭ قۇرامىنا وبلىستار مەن اۋداندار اكىمدەرىنىڭ ورىنباسارلارى, ازىق-ت ۇلىك كورپوراتسياسى مەن بايتەرەك حولدينگى ۇيىمدارىنىڭ باسشىلارى ەنگىزىلدى.
وبلىس اكىمدىكتەرى الداعى ۋاقىتتا اۋىل شارۋاشىلىعى مالدارىن قىستاۋعا جەم دايىنداۋ جوسپارىن ايقىنداپ, اپتا سايىن مونيتورينگ جۇرگىزە وتىرىپ, ولاردى ورىنداۋ بويىنشا جۇمىستار ۇيىمداستىرادى.
