سقو اۋماعىندا 5 815 شەتەل ازاماتى جانە ازاماتتىعى جوق 255 ادام تىركەلگەن. التى ايدىڭ ىشىندە كوشى-قون نورمالارىن 293 سولتۇستىكقازاقستاندىق بۇزعان.
قازاقستان رەسپۋبليكاسى اۋماعىندا بولۋ ەرەجەلەرىن ەلىمىزگە كەلگەن 219 شەتەلدىك بۇزعان. ەلىمىزدە بولۋ ەرەجەلەرىن بىرنەشە رەت بۇزعان 24 شەتەلدىك شىعارىلدى. سونداي-اق شەتەل جۇمىس كۇشتەرىن زاڭسىز تارتۋدىڭ 32 فاكتىسى انىقتالدى. ولار كوبىنە جەكە تۇلعالاردىڭ ۇيلەرىنە جۇمىسقا ورنالاسادى. قازىرگى كەزدە شەتەل ازاماتتارىن قۇجاتتاندىرۋ بويىنشا جۇمىس جالعاسۋدا.
«كوشى-قون ماسەلەلەرى بويىنشا كەڭەس الۋ ءۇشىن ءبىزدىڭ ماماندارعا جۇگىنۋگە بولادى», دەيدى سقو پد كوشى-قون قىزمەتى باسقارماسىنىڭ باستىعى تالعات ءابىلوۆ.
ايتا كەتسەك, شەتە ازاماتتارى قازاقستانعا كەلگەن جاعدايدا, ءۇش جۇمىس كۇنى ىشىندە كوشى-قون قىزمەتىن حاباردار ەتۋ قاجەت. ەلەكتروندىق-تسيفرلىق قولتاڭبا بولعان جاعدايدا, ۆيزالىق-كوشى-قون پورتالى ارقىلى, ۇيدەن شىقپاي-اق تىركەۋگە بولادى. سونىمەن قاتار باسقا مەملەكەت ازاماتىنىڭ ەلىمىزدە ۋاقىتشا بولۋ مەرزىمى اسىپ كەتىپ, ونى ۇزارتۋعا نەمەسە قر شىعۋعا شارالار قابىلداماعان جاعدايدا, كەلۋشىمەن بىرگە قابىلداۋشى تاراپ تا جاۋاپكەرشىلىككە تارتىلادى.
