الىبەك اسىلباي ۇلى اسقاروۆ - جازۋشى, پوليگرافيست, قازاقستاننىڭ ەڭبەك سىڭىرگەن قايراتكەرى, قازاقستان رەسپۋبليكاسى مەملەكەتتىك سىيلىعىنىڭ لاۋرەاتى, قازاقستان جۋرناليستيكا اكادەمياسى مەن قازاقستان كوركەمونەر اكادەمياسىنىڭ اكادەميگى, 10-نان استام كىتاپتىڭ اۆتورى.
ايتا كەتەيىك, مەملەكەتتىك رامىزدەرگە قۇرمەتپەن قاراۋدى قالىپتاستىرۋ جانە ۆەدومستۆولىق ناگرادالاردىڭ گەرالديكالىق سيپاتتاماسىن جەتىلدىرۋ جونىندەگى ۇسىنىستار ازىرلەۋ ماقساتىندا مادەنيەت جانە سپورت مينيسترلىگى ارحيۆ ىستەرى جانە قۇجاتتامانى باسقارۋ كوميتەتى جانىنان گەرالديكالىق زەرتتەۋلەر ورتالىعى قۇرىلدى.
ورتالىق بازاسىندا مەملەكەتتىك رامىزدەردى زەردەلەۋ, ناسيحاتتاۋ جانە قولدانۋ, مەملەكەتتىك ءستيلدى قالىپتاستىرۋدا مەملەكەتتىك ساياساتتى ىسكە اسىرۋ بويىنشا ءتۇرلى ءىس-شارالار وتكىزىلەتىن بولادى. سونداي-اق مەملەكەتتىڭ ءوزىن-ءوزى سايكەستەندىرۋ پروتسەستەرىن جانە گەرالديكالىق بەلگىلەردى قولدانۋ جونىندەگى حالىقارالىق تاجىريبەنى زەردەلەۋ بويىنشا دا ءىس-شارالار كىرەدى. قازىر ورتالىق ناگرادالاردى سيپاتتاۋ مەن ماراپاتتاۋ نەگىزدەرىنە قويىلاتىن بىرىڭعاي تالاپتاردى ازىرلەۋ بويىنشا جۇمىس ءىستاپ جاتىر.
