«قالا تۇرعىندارىنىڭ ماڭىزدى جانە وزەكتى ماسەلەلەرىنىڭ ءبىرى – تۇرعىن ءۇي. مەملەكەت باسشىسىنىڭ تاپسىرماسى بويىنشا قولجەتىمدى تۇرعىن ءۇي قۇرىلىسى كولەمىن ۇلعايتۋدى جۇيەلى جۇرگىزىپ جاتىرمىز. مىسالى, 2018 جىلى 1100 الەۋمەتتىك پاتەر, ال 2019 جىلى 2 900 الەۋمەتتىك پاتەر سالىنسا, 2020 جىلى وسىنداي 7 000-نان استام پاتەر سالىنىپ, پايدالانۋعا بەرىلدى. بيىل بۇل كورسەتكىشتى 10 مىڭعا جەتكىزۋدى جوسپارلاپ وتىرمىز», دەپ اتاپ ءوتتى ەلوردا اكىمى.
بۇدان باسقا, نۇر-سۇلتان اكىمىنىڭ تاپسىرماسى بويىنشا تۇرعىن ءۇي سەرتيفيكاتىنىڭ سوماسى 1 ملن تەڭگەدەن 1,5 ملن تەڭگەگە دەيىن ۇلعايتىلدى. قازاقستاندىق تۇرعىن ءۇي كومپانياسىنىڭ (قيك) باعدارلاماسى بويىنشا قاتىسۋشىلار ساناتى كەڭەيتىلدى. وعان مەديتسينا قىزمەتكەرلەرى, پەداگوگتار, الەۋمەتتىك قىزمەتكەرلەر, ءورت سوندىرۋشىلەر, ءتارتىپ ساقشىلارى, مادەنيەت جانە سپورت قايراتكەرلەرى قاتىسا الادى.
سونداي-اق ەلباسىنىڭ باستاماسىمەن قولعا الىنعان «جۇمىس ىستەيتىن جاستارعا ارنالعان ساتىپ الۋ قۇقىعىنسىز جالعا بەرىلەتىن» باسپانا باعدارلاماسى بيىل دا جالعاسادى. جىل سوڭىنا دەيىن تاعى 1 مىڭنان استام جاس باسپانالى بولادى.
