الەۋمەتتىك سالادا قىزمەت اتقارىپ, حالىقپەن تىكەلەي بايلانىستا جۇمىس جۇرگىزىپ كەلگەن دوسبول كۇزدىكباي ۇلىنىڭ جۇمىسىنا ساتتىلىك تىلەگەن قالا باسشىسى مەملەكەت باسشىسىنىڭ اۋماقتاردى دامىتۋ جونىندەگى تاپسىرمالارىن ورىنداۋدا بىلىكتىلىگى مەن تاجىريبەسى جەتەتىنىنە سەنىم ءبىلدىردى.
دوسبول كۇزدىكباي ۇلى 1983 جىلى دۇنيەگە كەلگەن, ءبىلىمى – جوعارى. ماماندىعى بويىنشا ينجەنەر-تەحنولوگ, مەملەكەتتىك باسقارۋ باكالاۆرى. ەڭبەك جولىندا ءال-فارابي اۋدانى اكىمى اپپاراتىنىڭ الەۋمەتتىك جۇمىس جونىندەگى ينسپەكتورى, اتالعان اكىمدىكتە حالىقپەن جۇمىس جۇرگىزۋ ءبولىمىنىڭ جەتەكشى مامانى, باس مامانى, حالىقپەن جۇمىس جۇرگىزۋ ءبولىمىنىڭ باسشىسى بولىپ ەڭبەك ەتكەن. 2020 جىلدان بۇگىنگى كۇنگە دەيىن ءال-فارابي اۋدانى اكىمىنىڭ ورىنباسارى قىزمەتىن اتقارىپ كەلگەن.
2013 جىلدان بەرى ەڭبەكشى اۋدانى اكىمى بولىپ كەلگەن عالىمجان يلياسوۆ اۋداندى دامىتۋعا سىڭىرگەن ەڭبەگى مەن ابىرويلى قىزمەتى ءۇشىن «قۇرمەت» وردەنىمەن ماراپاتتالدى.
