تاۋەلسىزدىكتىڭ 30 جىلدىعى • 30 ماۋسىم، 2021

جاسوتاندىقتاردىڭ يگى ىستەرى جالعاستى

98 رەت كورسەتىلدى

جاسوتاندىقتار ەل تاۋەلسىزدىگىنىڭ 30 جىلدىعىنا ارنالعان «30 يگى ءىس» رەسپۋبليكالىق اكتسياسىنا بەلسەندى اتسالىسۋ ۇستىندە. وتكەن اپتانىڭ سوڭىنداعى جازدىڭ جايماشۋاق كۇنىندە ولار قورشاعان ورتانى قورعاۋ ماقساتىمەن جاپپاي رەسپۋبليكالىق ەكولوگيالىق اكتسيا ۇيىمداستىردى.

ەلوردادان باستاۋ العان اكتسيا، ەلىمىزدىڭ وبلىس، اۋدان ورتالىق­تارىندا دا ءوتتى. وعان قاتىسۋشىلار كوشەلەردى، ارىقتاردى، قوقىس ورىندارىن تازالاۋعا كومەكتەستى. ءبارى دە الەۋمەتتىك قاشىقتىقتى جانە مەدي­تسينالىق ماسكا تاعۋ رەجىمىن قاتاڭ ساقتادى.
مىسالى، اقمولا وبلىستىق Jas Otan جق فيليالى كوكشەتاۋ قالا­سىنىڭ ورتالىق ساياباعىندا اكتسيا ۇيىم­داستىرسا، الماتى جاستارى قالا­نىڭ اعاشتارىمەن جاسىل جەلەك­تەرىن كۇتiپ ۇستاۋ مەن قورعاۋعا اتسالىستى.
Jas Otan جق توراعاسى نۇرجان جەتپىسباەۆ اتاپ وتكەندەي، ءاربىر ەكو­لوگيالىق اكتسيا تاربيەلىك سيپات­قا يە. ول قورشاعان ورتاعا دەگەن سۇيىس­پەنشىلىكتى كۇشەيتىپ، ەكولوگيانى قورعاۋدىڭ وزەكتى ماسەلەلەرىنە نازار اۋدارتادى.
«ەكولوگيالىق اكتسيا ءوزىنىڭ تى­كە­لەي مىندەتىنەن باسقا، تاعى ءبىر ماڭىز­دى فۋنكتسيانى ورىندايدى. ول ازا­ماتتىق ۇستانىمى بيىك تۇلعالاردى «بۇل – مەنىڭ قالام. مەن ونى تازا جانە جاسىل ەتەمىن!» يدەياسىمەن بىرىك­تىرەدى. بۇل ىسكە جاستاردىڭ كوپتەپ كەلۋى جانە قالامىزدىڭ كەلبەتىن جاق­سارتۋعا ءوز ۇلەستەرىن قوسقانى مەنى قات­تى قۋانتادى. ويتكەنى «30 يگى ءىس» اكتسيا­سى ادامدار مەن قوعام ءۇشىن ار­نالعان ناقتى ءىس-شارالارعا، مەيى­رىم مەن جاقسىلىقتى ارقاۋ ەتكەن اكتسيا­لار­عا نەگىزدەلگەن»، دەدى نۇرجان جەتپىسباەۆ.
ءوز كەزەگىندە Biz Birgemiz قوزعا­لىسىنىڭ ۆولونتەرى رۋسلان باحتيا­روۆ ءاربىر اكتسيا قالانى كوركەي­تۋگە جانە ەرىكتىلەر قوزعا­لىسىنا ءوز ۇلەسىن قوسۋعا ۇلكەن مۇمكىندىك بەرە­تىنىن اتاپ ءوتتى.
«مەن مۇنداي اكتسياعا ءبىرىنشى رەت قاتىسىپ وتىرعان جوقپىن. ما­مىر ايىن­دا ءبىز ەكىنشى دۇنيەجۇزىلىك سوعىسى باتىرلارىنىڭ قۇرمەتىنە اشىلعان ساياباقتاردى، اۋلالاردى جانە ەسكەرت­كىشتەردى تازارتتىق. بۇگىن ءبىز ەلور­دامىزدىڭ شالعاي اۋداندارى مەن كوشەلەرىن تازالادىق. اتال­عان ءساتتى پايدالانا وتىرىپ، جاس­تار­دى تابيعاتقا ۇقىپتى قاراۋعا شاقى­رامىن»، دەدى ول.
تاۋەلسىزدىكتىڭ 30 جىلدىعىنا ارنال­عان «30 يگى ءىس» اكتسياسى شەڭبە­رىندەگى ءىس-شارالار ءارى قاراي جالعاسىپ، كەلەسى ايلاردا مىناداي تاقىرىپتارعا ارنا­لادى: شىلدە – Baqytty otbasy، تامىز – Damý، قىركۇيەك – ءBىlىm، قازان – ءÓmىr syıla، قاراشا – Sana، جەلتوقسان – ءEgemendىlىk.

سوڭعى جاڭالىقتار

ۇقساس جاڭالىقتار