يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ بەينەكونفەرەنتسيا فورماتىندا وتكەن كەزدەسۋ قاتىسۋشىلارىنا قازىرگى جاعداي مەن قوس ەل اراسىنداعى وتكىزۋ پۋنكتتەرىن جاڭارتۋ جوسپارلارى تۋرالى ايتتى.
سونىمەن, قازاقستان-رەسەي شەكاراسىندا كۇن سايىن 10 مىڭنان استام كولىك قۇرالى وتەتىن 30 اۆتوموبيلدىك وتكىزۋ بەكەتى بار, ال جولاۋشىلار اعىنى 28 مىڭ ادامدى قۇرايدى. تىعىزدىق پروبلەماسىن شەشۋ ءۇشىن 27 وتكىزۋ بەكەتىن رەكونسترۋكتسيالاۋ قاجەت.
بيىل مينيسترلىك ءبىرىنشى كەزەكتە تۇرعان 6 وتكىزۋ پۋنكتىسىن رەكونسترۋكتسيالاۋ بويىنشا جوبالاردى ازىرلەۋدى باستادى. ولار: سىرىم, تاسقالا, قوساق, ۇرلىتوبە, جاڭا جول جانە الىمبەت وتكىزۋ پۋنكتتەرى.
قالعان وتكىزۋ بەكەتتەرىن 2025 جىلدىڭ سوڭىنا دەيىن كەزەڭ-كەزەڭمەن رەكونسترۋكتسيالاۋ جوسپارلانعان.
رەكونسترۋكتسيالاۋ اۋماقتاردى ۇلعايتۋدى, قولدانىستاعى عيماراتتار مەن قۇرىلىستاردى مودەرنيزاتسيالاۋدى, زاماناۋي ستاتسيونارلىق ينسپەكتسيالىق-تەكسەرمەلەۋ كەشەندەرىن ساتىپ الۋدى, تولقۇجاتتىق تەكسەرۋ ايماعىن ۇلعايتۋدى جانە اۆتوكولىك قۇرالدارىنا ارنالعان اعىنداردى بولە وتىرىپ, قوزعالىس جولاقتارىنىڭ سانىن ارتتىرۋدى كوزدەيدى.
رەكونسترۋكتسيادان كەيىن كولىكتەردى وتكىزۋ قابىلەتتىلىگى 2 ەسەگە, ال جولاۋشىلار اعىنى 4 ەسەگە ارتادى.
