قوعام • 28 ماۋسىم، 2021

جانداربەك بەكشين كوروناۆيرۋستىڭ ءتورتىنشى تولقىنى تۋرالى ايتتى

1182 رەت كورسەتىلدى

الماتىنىڭ باس مەملەكەتتىك سانيتاريا دارىگەرى جانداربەك بەكشين ونلاين بريفينگ بارىسىندا جاڭا قاۋلىنى ءتۇسىندىردى، دەپ حابارلايدى Egemen.kz.

ء«تورتىنشى تولقىن قاۋپى ءتونىپ تۇر، وعان دەلتا شتامى سەبەپ، ونى ءۇندى شتامى دەپ تە اتايدى. ءبىز «جاسىل» ايماققا وتكەندە اۋرۋ كورسەتكىشى تاۋلىگىنە 100 جاعدايعا دەيىن تومەندەدى، بىراق جاڭا شتامدارعا بايلانىستى كۇرت ءوستى. ءۇندى شتامىنىڭ باسقا مۋتاتسيالانعان شتامدارمەن سالىستىرعاندا پاتوگەندىلىگى جوعارى. وسىعان بايلانىستى قاتاڭ شەكتەۋ شارالارىن ەنگىزۋگە ءماجبۇر بولدىق»، دەدى بەكشين.

قوعامدىق تاماقتانۋ نىساندارى قىزىل ايماق تالاپتارى بويىنشا جۇمىس ىستەۋى ءتيىس، ساعات 7.00-دەن 20.00-گە دەيىن جۇمىس ىستەۋگە رۇقسات.

جۇمىس كۇندەرى تولىمدىعى 50 پايىز، بىراق 30 ورىننان اسپاۋى ءتيىس، ال سەنبى مەن جەكسەنبى كۇندەرى تىيىم سالىنادى.

بىراق جەتكىزۋ قىزمەتىنە رۇقسات ەتىلەدى. ال Ashyq قاتىسۋشىلارى تۇنگى ساعات 2-گە دەيىن جۇمىس ىستەي الادى، ولاردا تولىمدىق 50 پايىزعا دەيىن، بىراق 50 ورىننان ارتىق ەمەس. Ashyq-قا قاتىسپايتىن بانكەت زالدارى جۇمىس ىستەي المايدى.

ال Ashyq مۇشەلەرى تۇنگى ساعات 2-گە دەيىن جۇمىس ىستەيدى، بىراق ادام سانى 30-دان اسپاۋى ءتيىس.

ەسكە الۋدان باسقا ۇجىمدىق ءىس-شارالارعا تىيىم سالىنادى. مونشالار بارلىق كۇنى جۇمىس ىستەيدى. ساۋنالار، سپا-ورتالىقتار، باسسەيندەر تەك جۇمىس كۇندەرى عانا ىستەيدى. ال Ashyq جۇيەسىنە قوسىلعاندار ءوز رەجيمى بويىنشا جۇمىستارىن جالعاستىرا بەرەدى. كينوتەاترلار مەن تەاترلارعا تىيىم سالىنادى.

تەك Ashyq جۇيەسىمەن تولىمدىعى 30 پايىزدان ارتىق بولماعان جاعدايدا جۇمىس ىستەۋگە بولادى. بيليارد، كومپيۋتەرلىك كلۋبتار Ashyq-سىز جۇمىس ىستەي المايدى.

سوڭعى جاڭالىقتار

اقسۋدا قارتتار ءۇيى ورتەندى

ايماقتار • بۇگىن، 09:57

ۇقساس جاڭالىقتار