قۇرمەتتى بۇقارالىق اقپارات قۇرالدارىنىڭ وكىلدەرى! كاسىبي مەرەكەلەرىڭىزبەن شىن جۇرەكتەن قۇتتىقتايمىن!
جۋرناليستەر قاشاندا ءبىزدىڭ اينالامىزدا, وقيعا ورتاسىندا, ەڭ ماڭىزدى تاقىرىپتاردىڭ العى شەبىندە جۇرەدى. مەملەكەتتىڭ قالىپتاسۋ كەزەڭىندە جانە ازاماتتىق قوعامدى دامىتۋ ماسەلەلەرىندە باق-تىڭ ورنى مەن مىندەتى ايرىقشا مانگە يە.
ءتۇرلى مەدياقۇرىلىمداردا جۇمىس ىستەگەنىمدە, «قازاقستان» رترك-نى باسقارعانىمدا نەمەسە مەملەكەت باسشىسىنىڭ ءباسپاسوز قىزمەتىنە جەتەكشىلىك ەتىپ ءجۇرىپ مەن وزىمە ارىپتەس سانايتىن جۋرناليست قاۋىمىنىڭ كاسىبي شەبەرلىگى مەن جاۋاپكەرشىلىگىنە, باتىلدىعى مەن تاباندىلىعىنا سۇيسىنگەن ساتتەرىم كوپ بولدى. اسىرەسە ولاردىڭ جاڭا يدەيالار مەن يگى وزگەرىستەردى قولداۋعا قاشاندا ءازىر تۇراتىن ەلگەزەكتىگى رازى ەتەتىن.
ەلەكتروندى باق پەن ينتەرنەتتىڭ جاھاندىق دامۋى كەزەڭىندە جۋرناليستەر ەندى شىعارماشىلىق ءارى تەحنيكالىق تۇرعىدان تانىم كوكجيەگىن كەڭەيتە ءتۇسىپ, تۇتاس اقپارات اعىنىن يگەرۋگە كوشتى.
وتاندىق جۋرناليستيكانىڭ ۇزدىك داستۇرلەرىن ساقتاپ, ءبىلىم-بىلىكتەرىڭىزدى تۇراقتى جەتىلدىرە وتىرىپ, كاسىبي بورىشتارىڭىزدى تابىسپەن اتقارۋلارىڭىزعا تىلەكتەسپىن!
ەسەتجان قوسىباەۆ,
2004-2006 جىلدارداعى مادەنيەت,
اقپارات جانە سپورت ءمينيسترى,
«ۇلتتىق كينونى قولداۋ مەملەكەتتىك ورتالىعى» كوممەرتسيالىق ەمەس اكتسيونەرلىك قوعامىنىڭ باسقارما توراعاسى
