28 ماۋسىمدا قازاقستاننىڭ سولتۇستىگىندە, ورتالىعىندا, باتىسىندا جانە ورتالىعىندا اتموسفەرالىق اعىنداردىڭ وتۋىنە بايلانىستى وتكىنشى جاڭبىر جاۋادى, نايزاعاي جارقىلداۋى ىقتيمال.
ەلىمىزدىڭ شىعىسى پەن وڭتۇستىگىندە كۇن رايى اشىق بولادى. سولتۇستىكتە, باتىستا جانە وڭتۇستىك-شىعىستا جەل كۇشەيىپ, سولتۇستىكتە تۇندە جانە تاڭەرتەڭ تۇمان ءتۇسۋى مۇمكىن, وڭتۇستىك-شىعىستا جانە باتىستا بۇرشاق جاۋى ىقتيمال.
جامبىل وبلىسىنىڭ كەي جەرلەرىندە نايزاعاي, بۇرشاق جاۋادى, جەل 15-20 م/س كۇشەيەدى, پاۆلودار وبلىسىندا, كۇندىز اقتوبە وبلىسىنىڭ كەي جەرلەرىندە نايزاعاي وينايدى, جەل 15-20 م/س كۇشەيەدى.
اقمولا, قاراعاندى, اتىراۋ وبلىستارىندا نايزاعاي ويناپ, اتىراۋ وبلىسىنىڭ كەي جەرلەرىندە بۇرشاق جاۋى مۇمكىن.
تۇندە جانە تاڭەرتەڭ سولتۇستىك قازاقستان وبلىسىنىڭ كەي جەرلەرىندە تۇمان تۇسەدى.
كۇندىز باتىس قازاقستان, اتىراۋ, ماڭعىستاۋ وبلىستارىندا قاتتى ىستىق, كەي جەرلەرىندە وتە قاتتى ىستىق بولادى.
جامبىل, قىزىلوردا, اقتوبە وبلىستارىنىڭ باسىم بولىگىندە, قاراعاندى وبلىسىنىڭ كەي جەرلەرىندە, قوستاناي وبلىسىنىڭ وڭتۇستىگىندە قاتتى ىستىق بولادى.
قىزىلوردا, ماڭعىستاۋ, اتىراۋ, اقتوبە, تۇركىستان, جامبىل وبلىستارىنىڭ باسىم بولىگىندە, قاراعاندى, باتىس قازاقستان, قوستاناي, الماتى وبلىستارىنىڭ كەي جەرلەرىندە ءورت قاۋپى وتە جوعارى.
