ونەر • 25 ماۋسىم، 2021

«سالەم، ەلوردا!» ءىى رەسپۋبليكالىق ونەر شەرۋى اياقتالدى

32 رەت كورسەتىلدى

ونەر شەرۋىنىڭ ناتيجەلەرى مەن جەتىستىكتەرى قر ۇلتتىق كىتاپحاناسىندا وتكەن وتىرىستا قورىتىندىلاندى، دەپ حابارلايدى Egemen.kz.

اتالمىش ءىس-شاراعا مادەنيەت جانە سپورت ۆيتسە-ءمينيسترى نۇرعيسا داۋەشوۆ، وبلىستىق مادەنيەت، ارحيۆ جانە قۇجاتتاما باسقارمالارى مەن اۋداندىق مادەني ۇيىمداردىڭ باسشىلارى قاتىستى. جيىن بارىسىندا ۆيتسە-مينيستر ن.داۋەشوۆ وڭىرلەردىڭ ءوزارا قارىم-قاتىناسىن ارتتىرا تۇسەتىن «سالەم، ەلوردا» سىندى رەسپۋبليكالىق شارالاردىڭ اۋقىمىن كەڭەيتىپ، حالىقارالىق دەڭگەيگە جەتكىزۋ قاجەتتىگىن اتاپ ءوتتى.

«جوبا اياسىندا وڭىرلەردەن كەلگەن مادەنيەت قىزمەتكەرلەرى ءوزارا تاجىريبە الماسىپ، شەبەرلىكتەرىن شىڭدادى. بۇل شارالار ەلىمىزدىڭ تۇپكىر-تۇپكىرىنەن جينالعان ارىپتەستەرىمىز ءۇشىن مۇمكىندىكتەر الاڭىنا اينالىپ، ولاردىڭ رۋحاني تولىسۋىنا سەپتىگىن تيگىزدى»، دەدى ۆيتسە-مينيستر.

مادەنيەت جانە سپورت مينيسترلىگىنىڭ باستاماسىمەن جۇزەگە اسىرىلعان «سالەم، ەلوردا!» ونەر شەرۋى بيىل وفلاين فورماتتا الماتى وبلىسى مەن الماتى قالاسىنداعى ونەر ۇيىمدارىندا ءوتتى. فەستيۆالدىڭ ماقساتى - وڭىرلەردىڭ ونەرى مەن مادەني جەتىستىكتەرىن كەڭىنەن ناسيحاتتاپ، وزىق ۇلگىدەگى ورىنداۋشىلاردى دارىپتەۋ. سونىمەن قاتار ونەر شەرۋى اياسىندا ۇلتتىق قۇندىلىقتارىمىز ۇلىقتالىپ، ەل تاۋەلسىزدىگىنىڭ 30 جانە جامبىل جاباەۆتىڭ 175 جىلدىعى سەكىلدى  رەسپۋبليكالىق ماڭىزى بار مەرەيتويلار مەن جەرگىلىكتى اتاۋلى داتالاردى قامتىلدى. جوبانى «قازاقكونتسەرت» مەملەكەتتىك كونتسەرت ۇيىمى» جانىنداعى «رەسپۋبليكالىق كونتسەرتتىك-گاسترولدىك قىزمەت ورتالىعى» ۇيلەستىرۋدە. وسى ورايدا قازاقكونتسەرت باسشىسى جەڭىس سەيدۋللا ۇلى ءوز سوزىندە وسىنداي ءىرى جوبالاردى تەك ۇلكەن قالالاردا عانا ەمەس، سونداي-اق وڭىرلىك مادەنيەت ۇيىمدارىندا دا وتكىزۋ ماڭىزدى ەكەندىگىن جەتكىزدى.

«بيىلعى «سالەم، ەلوردا!» ونەر شەرۋىنە 20 وڭىرلىك مادەنيەت ۇيىمى قاتىستى. جوبا بارىسىندا ارىپتەستەرىمىزگە ءتۇرلى باعىتتاعى كاسىبي ماستەر-كلاسستار، تانىمدىق ءمانى زور ءىس-شارالار مەن وزىق ۇلگىدەگى كونتسەرتتىك باعدارلامالار ۇسىنىلدى. ونەر شەرۋى اياسىندا 22 ءىس-شارا ۇيىمداستىرىلدى، ونىڭ ىشىندە 9 ماستەر-كلاسس، سەمينار-ترەنينگتەرمەن پراكتيكۋم ساباقتار بار. ماستەر-كلاسستاردا مادەنيەت سالاسىنداعى مەنەدجمەنت، مۋزىكالىق تەاترلارداعى رەجيسسۋرانىڭ ەرەكشەلىگى، دىبىس جانە جارىق وپەراتورلارىنىڭ قىزمەتى، HRماسەلەلەرى سىندى تاقىرىپتار قامتىلدى.ونەر شەرۋى ەندى جىل سوڭىندا تاۋەلسىزدىكتىڭ 30 جىلدىق مەرەيتويىنا وراي نۇر-سۇلتان قالاسىندا وتەتىن گالا-كونتسەرتپەن اياقتالادى»، دەپ اتاپ ءوتتى جەڭىس سەيدۋللا ۇلى.

جيىن بارىسىندا مينيسترلىك وكىلدەرى پەن قازاقكونتسەرت باسشىلىعى «سالەم، ەلوردا!» ءىى رەسپۋبليكالىق ونەر شەرۋىنىڭ جوعارى دەڭگەيدە وتۋىنە قولداۋ كورسەتكەن الماتى وبلىسىنىڭ جانە الماتى قالاسىنىڭ اكىمدىكتەرىنە، الماتى وبلىسىنىڭ ىشكى ساياسات باسقارماسىنا، جامبىل اۋدانى اكىمدىگى جانە مادەنيەت مينيسترلىگىنە قاراستى بارلىق ونەر ۇيىمدارىنا ءوز العىستارىن ءبىلدىردى.

ونەر شەرۋىنىڭ سوڭعى كۇنىندە دە كونتسەرتتىك ۇيىم قىزمەتكەرلەرى ءۇشىن شەبەرلىك ساعاتتار وتكىزىلىپ، تاجىريبە الماسۋ جۇرگىزىلدى. شەبەرلىك ساباعى بارىسىندا  ءوز سالاسىنىڭ مايتالمانى ق.قوجامياروۆاتىنداعى مەملەكەتتىك رەسپۋبليكالىق مۋزىكالىق كومەديالىق ۇيعىر تەاترىنىڭ رەجيسسەرى يالكۋنجان شاميەۆ تاجىريبەلەرىمەن ءبولىستى.

«سالەم، ەلوردا!» ءىى رەسپۋبليكالىق ونەر شەرۋى ەسترادا جۇلدىزدارى مەن ءوڭىر ونەرپازدارىنىڭ قاتىسۋىمەن وتكەن «اسقاقتا، ارمانداردىڭ الاتاۋى!» اتتى گالا-كونتسەرتپەن اياقتالدى.

كونتسەرت

 

سوڭعى جاڭالىقتار

كاسپي جاعالاۋىندا قوقىس كوپ

ەكولوگيا • بۇگىن، 20:47

قازان-نۇر-سۇلتان اۋە رەيسى اشىلادى

قازاقستان • بۇگىن، 18:45

COVID-19: وڭىرلەردەگى جاعداي كۇردەلى

كوروناۆيرۋس • بۇگىن، 18:03

نۇر-سۇلتاندا قانداي ۆاكتسينالار بار؟

كوروناۆيرۋس • بۇگىن، 17:19

الماتىدا قويما ورتەنىپ جاتىر

ايماقتار • بۇگىن، 10:30

ۇقساس جاڭالىقتار