ەلوردا • 25 ماۋسىم، 2021

ەلوردادا «تسيفرلىق ۇكىمەت» كەڭسەسى اشىلادى

50 رەت كورسەتىلدى

نۇر-سۇلتان قالاسىندا جىل سوڭىنا دەيىن «تسيفرلىق ۇكىمەت» كەڭسەسى اشىلادى. بۇل تۋرالى QazExpoCongress ۇلتتىق كومپانياسى اق باسقارما توراعاسى اللەن ءشايجۇنىسوۆ ءمالىم ەتتى، دەپ حابارلايدى Egemen.kz.

«استانا EXPO-2017 حالىقارالىق كورمەسىنەن كەيىن كەشەننىڭ تاعدىرى نە بولادى دەگەن سۇراق تۋىندادى. سول ءۇشىن ارنايى تالداۋ جۇرگىزىلدى. ماقسات – «استانا ەكسپو -2017» كورمە كەشەنىن ودان ءارى ءتيىمدى قولدانۋ. تالداۋدىڭ ناتيجەسىندە كەشەننىڭ بولاشاقتاعى قىزمەتى بويىنشا تۇجىرىمداما ازىرلەنىپ،  2018 جىلدىڭ ءساۋىر ايىندا مەملەكەت باسشىسىمەن بەكىتىلدى»، دەدى ا.ءشايجۇنىسوۆ باق وكىلدەرىنە ارنالعان ءباسپاسوز تۋرى بارىسىندا.

ەلورداداعى ەكسپو ىسكەرلىك ورتالىعى اۋماعىندا   بارلىعى 15 نىسان بار. ولاردىڭ قاتارىندا «نۇر-الەم» بولاشاق ەنەرگياسى مۇراجايى، استانا IT ۋنيۆەرسيتەتى، حالىقارالىق جاسىل تەحنولوگيالار جانە ينۆەستيتسيالىق جوبالار ورتالىعى، «استانا» حالىقارالىق قارجى ورتالىعى، Astana Hub IT-ستارتاپتار تەحنوپاركى جانە باسقا دا كومپانيالار بار.

«ودان بولەك، قازىرگى ۋاقىتتا كەشەن اۋماعىندا «تسيفرلىق ۇكىمەتتىڭ» كەڭسەسى قۇرىلىپ جاتىر. جاڭا كەڭسەنى جىل سوڭىنا دەيىن ىسكە قوسۋ جوسپارلانعان.

وسىلايشا بۇگىنگى كۇنى ەكسپو كەشەنىنىڭ 98 پايىزى جۇمىس ىستەپ تۇر. ياعني ءبىزدىڭ بازادا ىسكەرلىك بەلسەندىلىكتى ىنتالاندىرۋ جانە جەتەكشى دامۋ ينستيتۋتتارىن تارتۋ ءۇشىن تولىققاندى بيزنەس ورتا قالىپتاستى. سونىمەن قاتار كەشەن اۋماعى كەز كەلگەن دەڭگەيدەگى ءىس-شارالاردى وتكىزۋ ءۇشىن قاجەتتى جابدىقتارمەن قامتاماسىز ەتىلگەن. اتاپ ايتقاندا، زاماناۋي ينفراقۇرىلىم مەن ەكوجۇيە»، دەيدى ول.

سوڭعى جاڭالىقتار

شىمكەنتتە كارانتين كۇشەيتىلەدى

ايماقتار • بۇگىن، 15:47

اتوم كولگە ساپار

ايماقتار • بۇگىن، 15:37

قازاقستاندا جاڭا تەلەارنا اشىلدى

قازاقستان • بۇگىن، 11:55

تابيعاتقا تامسانتتى

ايماقتار • بۇگىن، 08:53

ۇقساس جاڭالىقتار