نۇر-سۇلتان قالالىق پوليتسيا دەپارتامەنتىنىڭ مالىمەتى بويىنشا, وقيعا 24 ماۋسىمدا بولعان. مۇساباەۆ پەن ەلوردا تۇرعىنى الينا نۇرتاس اراسىنداعى جانجال ساياباقتا بولعان. قىز ءيتىن سەرۋەندەتىپ جۇرگەنىن ايتادى.
«ساياباقتا قىسقا قارعىباۋعا بايلانعان يتىممەن سەرۋەندەپ جۇرگەنمىن. كىشكەنەدەن سوڭ بىرەۋدىڭ ايعايلاعانىن ەستىدىم. ءمان بەرمەي جۇرە بەردىم. جاقىنداپ كەلىپ, تاعى ايعايلادى. مۇرنىمنىڭ استىنان دورەكى ادامعا بالاعات ءسوز ايتتىم دا, ودان ءارى جۇرە بەردىم. ەر ادام بۇرىلىپ, سەرپىلدى دە, يىعىمنان جۇدىرىعىمەن ءبىر ۇردى. قولىم جانسىزدانىپ قالدى», دەيدى زارداپ شەگۋشى.
الينا نۇرتاستىڭ ايتۋىنشا, وقيعا ورنىنا پوليتسيا شاقىرىلعان, كەيىن ول قۇقىق بۇزۋشى سەنات دەپۋتاتى تالعات مۇساباەۆ ەكەنىن بىلگەن.
نۇر-سۇلتان پوليتسيا دەپارتامەنتى اتالعان جانجالعا تالعات مۇساباەۆ شىنىمەن دە قاتىستى ەكەنىن راستادى.
«24 ماۋسىم كۇنى ساعات 17: 22-دە «102» ارناسىنا مومىش ۇلى كوشەسىندەگى ترياتلون ساياباعىندا ەر ادام قىزدى ۇرىپ, ونىمەن دورەكى سويلەسكەنى تۋرالى قوڭىراۋ ءتۇستى. وقيعا ورنىنا اۆتوپاترۋل جىبەرىلدى. ەر ادام مەن يت يەسى اراسىنداعى جانجال ءۇي جانۋارىن تۇمىلدىرىقسىز سەرۋەندەتۋگە بايلانىستى شىقانى انىقتالدى. دەرەك بويىنشا تەكسەرۋ جۇرگىزىلىپ جاتىر», دەدى قالالىق پوليتسيا دەپارتامەنتىنىڭ ءباسپاسوز قىزمەتى وكىلى.
