ايماقتار • 25 ماۋسىم، 2021

الماتىدا 2 ملن 604 مىڭ شارشى مەتردەن استام تۇرعىن سالىنادى

32 رەت كورسەتىلدى

مەگاپوليس اكىمى باقىتجان ساعىنتاەۆ قر پرەزيدەنتى جانىنداعى ورتالىق كوممۋنيكاتسيالار قىزمەتىندە وتكەن ءباسپاسوز كونفەرەنتسياسىندا تۇرعىن ءۇي قۇرىلىسىنىڭ قارقىندى ءوسۋى جانە تۇرعىن ءۇي قورىن رەنوۆاتسيالاۋ باعدارلاماسى تۋرالى ايتتى، دەپ حابارلايدى Egemen.kz.

جىل سوڭىنا دەيىن الماتىدا 2 ميلليون 604 مىڭ شارشى مەتردەن استام تۇرعىن ءۇيدى پايدالانۋعا بەرۋ جوسپارلانعان، ونىڭ ىشىندە مەملەكەتتىك بيۋدجەت ەسەبىنەن - 248،5 مىڭ شارشى مەتر نەمەسە 3 266 پاتەر. ايتا كەتەرلىگى، 2014 جىلدان 2020 جىلعا دەيىن. تۇرعىن ءۇيدى پايدالانۋعا بەرۋ كولەمى 1 330،8 مىڭ شارشى مەتردەن 2 401 مىڭ شارشى مەترگە دەيىن نەمەسە 1،8 ەسەگە ءوستى.

باسپاناعا مۇقتاجداردى قولجەتىمدى تۇرعىن ۇيمەن قامتاماسىز ەتۋ ءۇشىن مەملەكەتتىك جانە قالالىق باعدارلامالار ىسكە اسۋدا. قازىرگى كەزدە «شاڭىراق» پيلوتتىق باعدارلاماسىنا قاتىسۋ ءۇشىن قۇجاتتار قابىلدانۋدا، اعىمداعى جىلدىڭ باسىنان بەرى جەكە پاتەر ءۇي ساتىپ الۋعا 800-دەن استام نەسيە بەرىلدى.

«باقىتتى وتباسى» باعدارلاماسى بويىنشا الماتىدا جەڭىلدەتىلگەن نەسيەلەر سانى 272-دەن 1010-عا دەيىن ءوستى. جەرگىلىكتى بيۋدجەتتەن 3،3 ملرد تەڭگە ءبولىندى، وسى باعدارلاما بويىنشا كوپبالالى وتباسىلارعا 220 نەسيە بەرىلدى.

الماتىدا ەكىنشى جىلى قاتارىنان «الماتى جاستارى» قالالىق باعدارلاماسى جۇزەگە اسىرىلۋدا مۇندا 35 جاسقا دەيىنگى 1000 الماتىلىق جەڭىلدىكپەن نەسيە الىپ، باسپانالى بولا الادى. 2021جىلى وسى باعدارلاما بويىنشا 116 وتباسى باسپانا ساتىپ الدى.

بۇدان وزگە، ەكى مىڭ ازاماتقا العاشقى تولەمنىڭ ءبىر بولىگىن جابۋ ءۇشىن تۇرعىن ءۇي سەرتيفيكاتتارىن بەرۋ ءۇشىن جەرگىلىكتى بيۋدجەتتەن 2 ملرد تەڭگە ءبولىندى.

2021 جىلدىڭ 31 مامىرىندا قالالىق ءماسليحات قالالىق تۇرعىن ءۇي كەزەگىندە تۇرعان قالا تۇرعىندارىنا تەگىن جانە قايتارىمسىز نەگىزدە 1 ملن تەڭگە كولەمىندە بەرىلەتىن تۇرعىن ءۇي سەرتيفيكاتتارىنىڭ مولشەرىن انىقتادى، ولار مىنا ساناتتاعىلار:

  • I جانە II توپ مۇگەدەكتەرى;
  • مۇگەدەك بالالارى بار نەمەسە ونى تاربيەلەپ وتىرعان وتباسىلار;
  • اتا- انا قاراۋىنسىز قالاعان جەتىم بالالار جانە بالالار;
  • كوپبالالى وتباسىلار.

سەرتيفيكاتتاردى «شاڭىراق» (5-10-20) باعىتى بويىنشا  «نۇرلى جەر» مەملەكەتتىك باعدارلاماسى جانە «باقىتتى وتباسى» (2-10-20) باعدارلاماسى اياسىندا پايدالانۋعا بولادى.

تۇرعىن ءۇي سەرتيفيكاتى تۇرعىن ءۇي زاەمىن بەرۋگە كەلىسىم العان، سوڭعى 6 ايداعى تابىسى وتباسىنىڭ ءار مۇشەسىنە شاققاندا 106 336 تەڭگەدەن اسپايتىن ازاماتتارعا بەرىلەدى.

الماتىدا ەسكى ۇيلەردىڭ ماسەلەسىن شەشۋ ءۇشىن تۇرعىن ءۇي قورىن رەنوۆاتسيالاۋ باعدارلاماسى قابىلداندى. ول توزىعى جەتكەن 708 ءۇيدى نەمەسە 6 637 پاتەردى بۇزۋدى جانە 683 ءۇي سالۋدى قاراستىرادى، بىراق قازىردىڭ وزىندە جالپى اۋدانى 2،3 ميلليون شارشى مەتردى قۇرايتىن 34 605 پاتەر سالىنادى. باعدارلاما رەنوۆاتسيالاناتىن پاتەرلەر يەلەرىنىڭ تولىق كەلىسىمىمەن، مەنشىك قۇقىعىنىڭ كەپىلدىگىمەن جۇزەگە اسىرىلادى.

 

2021 جىلدىڭ باسىنان بەرى باعدارلاما اياسىندا ينۆەستورلاردىڭ وزدەرى اكك-مەن بىرلەسە وتىرىپ، 126 پاتەرلى 14 توزىعى جەتكەن ءۇيدى ءسۇردى، جەتىسۋ، تۇركسىب، بوستاندىق اۋداندارىندا،ى ەسكى ۇيلەر بۇزىلۋدا، ال تۇركسىب اۋدانىندا 16 پاتەرلى ءبىر اپاتتى ءۇي سۇرىلۋدە.

سوڭعى جاڭالىقتار

كاسپي جاعالاۋىندا قوقىس كوپ

ەكولوگيا • بۇگىن، 20:47

قازان-نۇر-سۇلتان اۋە رەيسى اشىلادى

قازاقستان • بۇگىن، 18:45

COVID-19: وڭىرلەردەگى جاعداي كۇردەلى

كوروناۆيرۋس • بۇگىن، 18:03

نۇر-سۇلتاندا قانداي ۆاكتسينالار بار؟

كوروناۆيرۋس • بۇگىن، 17:19

الماتىدا قويما ورتەنىپ جاتىر

ايماقتار • بۇگىن، 10:30

ۇقساس جاڭالىقتار