قازاقستان • 25 ماۋسىم، 2021

جۇيرىك جۋرناليستەر URKER-2021 سىيلىعىمەن ماراپاتتالدى

48 رەت كورسەتىلدى

ەلورداداعى قازمەديا ورتالىعىندا ءباسپاسوز، راديو، ينتەرنەت-جۋرناليستيكا سالاسىنداعى URKER-2021 ۇلتتىق بايگەسىنىڭ جەڭىمپازدارى ماراپاتتالدى. جەڭىمپازدارعا ەستەلىك مۇسىنشە جانە ءبىر ميلليون تەڭگە مولشەرىندەگى اقشالاي سىيلىق تابىس ەتىلدى.

سالتاناتتى ءراسىمدى اشقان اقپارات جانە قوعامدىق دامۋ ءمينيسترى ايدا بالاەۆا جيىننىڭ بۇقارالىق اقپارات قۇرالدارى قىزمەتكەرلەرىنىڭ كۇنى قار­ساڭىندا ۇيىمداستىرىلعانىن اتاپ ءوتتى.

«ەل تاۋەلسىزدىگىنىڭ 30 جىلى ىشىندە مەملەكەتىمىزبەن بىرگە وتاندىق مەديا سالاسى دا جاڭارۋ، دامۋ كەزەڭىنەن ءوت­تى. تاۋەلسىزدىكتىڭ العاشقى جىلدارى ەلى­مىزدە تەك 407 اقپارات قۇرالى، سونىڭ ىشىن­دە 2 تەلەارنا عانا بولسا، قازىر ولار­دىڭ سانى ءتورت جارىم مىڭنان اسادى.

ءبىر عانا Qazaqstan تەلەارناسى بۇ­گىندە قۇرامىنا 5 رەسپۋبليكالىق،
14 وڭىر­لىك تەلەارنا، 4 راديو ەنەتىن ۇلكەن ۇلتتىق كورپوراتسياعا اينالدى. ۇلتتىق مەديا تاريحىندا تۇڭعىش رەت بالالار ارناسى – Balapan، سپورتتىق ارنا – Qazsport، كورەرمەننىڭ كوزايىمى – Abai ارناسى ىسكە قوسىلدى.

قۇرامىنا تاۋلىك بويىنا جاڭالىقتار ۇسىناتىن «حابار 24»، 10 ميلليونعا جۋىق كورەرمەنى بار «ەلارنا»، الەمنىڭ 120-دان استام ەلىنە حابار تاراتاتىن QazaqTV ارنالارى ەنگەن «حابار» اگەنتتىگى بۇگىندە ءىرى مەديا ورتالىق»، دەدى ۆەدومستۆو باسشىسى.

ءمينيستردىڭ ايتۋىنشا، ەل اۋما­عىندا 181 تەلەارنا، 79 راديو، 790 اق­پا­راتتىق اگەنتتىك بار. وسىنداي قاينا­عان اقپاراتتىق كەڭىستىك ورتاسىندا شىڭ­دالعان جۋرناليستەر اراسىنداعى باسەكە قاشاندا جوعارى.  

«بيىل بەسىنشى رەت وتكىزىلىپ وتىرعان «ۇركەر» بايگەسى – ءباسپاسوز، راديو، ينتەرنەت جانە فوتو جۋرناليستيكا سالا­سىنداعى جاڭا ەسىمدەردى انىقتايتىن بىرە­گەي جوباعا اينالدى. جىل سايىن وزىن­دىك قولتاڭباسى بار تالانتتى تۇلعا­لاردى حالىققا تانىمال ەتىپ كەلەدى. 

2017 جىلدان باستاپ بۇگىنگە دەيىن «ۇركەر» ۇلتتىق بايگەسىنە قاتىسقان
2 833 جوبا قارالىپ، ونىڭ 55-ءى ۇزدىك جانە جۇلدەگەر اتاندى. بيىلعى بايقاۋعا رەسپۋبليكالىق جانە وڭىرلىك اقپارات قۇرالدارىنان 340 ءوتىنىش ءتۇستى. ارينە، ونىڭ قاي-قايسىسى دا بيىك ماراپاتقا، جۇلدەگە لايىق.

دەگەنمەن بايگە بولعان سوڭ، ونىڭ جەڭىمپازىن انىقتاۋ زاڭدىلىق. ءاربىر ەڭبەكتىڭ وتەۋى بولۋى ءتيىس. بۇگىنگى شارا دا وسى نيەتپەن ۇيىمداستىرىلىپ وتىر.

سوندىقتان اۋقىمدى جۇمىستى بايىپتى باعالاپ، لايىقتى سارالاعان جوعارى بىلىكتى قازىلار القاسىنا زور العىسىمدى ايتامىن جانە كىل جۇيرىكتەن كىم جۇيرىكتى انىقتاۋدا ءادىل شەشىم شىعاردى دەپ سەنىم بىلدىرەمىن»، دەدى ايدا بالاەۆا.

سونىمەن، «تاۋەلسىزدىكتىڭ 30 جىلدىعىنا ارنالعان ۇزدىك ما­تەريال» اتالىمى «سەمەي تاڭى» گازەتىنىڭ ءتىلشىسى ريزا مول­داشەۆاعا بۇيىردى. ماراپاتتى تاۋەلسىز قازاقستاننىڭ العاشقى اقپارات ءمينيسترى، مەملەكەت جانە قوعام قايراتكەرى قۋانىش سۇلتانوۆ تاپسىردى.

«جىلدىڭ ۇزدىك رەپورتاجى» اتالىمىندا BaigeNews.kz پورتالىنىڭ ءجۋرناليسى ءانۋار ءابدىراحمانوۆ جەڭىمپاز اتاندى. «جىلدىڭ ۇزدىك اناليتيكالىق ماتەريالى» اتالىمى «اقيقات» جۋرنالىنىڭ قىزمەتكەرى دينا يمامباەۆاعا بۇيىردى.

«جىلدىڭ ۇزدىك تانىمدىق ماتەريالى» اتالىمىندا
Mas­­­sa­­get.kz پورتالىنان ومىر­بەك سان­سىزباەۆ جەڭىسكە جەتتى. اي­تا كەتەرلىگى، جۇلدەنى قىرعىز رەس­­پۋبليكاسى مادەنيەت، اق­پا­رات، سپورت جانە جاستار ساياساتى ءمينيسترىنىڭ ورىنباسارى سال­تانات امانوۆا تابىس ەتتى.

«جىلدىڭ ۇزدىك جۋرناليستىك زەرتتەۋى» جۇلدەسىن Aiqyn گا­زەتىنەن رىسبەك قىدىربەك يە­لەندى. ال «جىلدىڭ ۇزدىك سۇح­با­تى» اتالىمىندا Vlast.kz پور­تا­لىنىڭ ءجۋرناليسى تامارا ۆاال ۇزدىك شىقتى.

 «جىلدىڭ ۇزدىك جاڭالىقتار پورتالى» اتالىمىندا «قازاق­پارات» حالىقارالىق اقپارات اگەنت­تىگى جەڭىسكە جەتتى. «جىل­دىڭ ۇزدىك گازەتى» ماراپاتى TÚRKISTAN حالىقارالىق سايا­سي اپتالىعىنا بۇيىردى. «جىل­دىڭ ۇزدىك فوتوسۋرەتى» جۇلدەسى newsroom.kz پورتالىنىڭ فوتو­سۋرەتشىسى ماقسات شاعىر­باەۆتىڭ قانجىعاسىنا بايلاندى.

«راديوستانتسياداعى ۇزدىك جوبا» اتالىمىندا NS راديوسى «نوۆوە ۋترو» باعدارلاماسى ۇزدىك دەپ تانىلدى. Forbes Kazakhstan ۇجىمى «جىلدىڭ ۇزدىك جۋرنالى» اتاندى. URKER-2021 ۇلت­تىق بايگەسى ارنايى جۇلدەسى «قا­زاق راديوسى» ۇجىمىنا بەرىلدى.

ايتا كەتەيىك، URKER-2021 ۇلتتىق بايگەسى بيىل 11 اتالىم بويىنشا وتكىزىلدى. سونداي-اق «تاۋەلسىزدىكتىڭ 30 جىلدىعىنا ارنالعان ۇزدىك ماتەريال» اتالىمى قوسىلدى. ۇزدىك جۇمىستاردى بەدەلدى جۋرناليستەر، ەلىمىزدىڭ شىعارماشىلىق زيالى قاۋىم وكىلدەرى مەن حالىقارالىق مەدياساراپشىلاردان قۇرالعان قازىلار القاسى انىقتادى.

ءباسپاسوز، راديو، ين­تەر­نەت-جۋرناليستيكا سالا­سىن­داعى جەتىستىكتەرى ءۇشىن بەرىلەتىن قازاق­ستاندىق ۇلتتىق URKER سىيلىعى تالانتتى جۋرناليستەر مەن شىعارماشىلىق ۇجىمداردى انىقتاۋ، ولاردىڭ كاسىبي جۋرناليستيكانى دامىتۋعا قوسقان ۇلەسىن باعالاۋ جانە ولاردىڭ شىعارماشىلىعىنا قوعامنىڭ نازارىن اۋدارۋ ماقساتىندا 2017 جىلى تاعايىندالعان.

بايقاۋدى ۇيىم­داس­تى­رۋ­شىلار – اقپارات جانە قوعام­دىق دامۋ مينيسترلىگى، «مەديا دامىتۋ قو­رى» كورپوراتيۆتىك قورى جانە «قاز­مەديا ورتالىعى» بك. ءىس-شارا دەمەۋشىلەرى – «قا­زاقستان» رترك» جانە «حا­بار» اگەنتتىگى» اك­تسيونەرلىك قو­عام­دارى.

سوڭعى جاڭالىقتار

عارىشتان انىقتالعان قوقىستار

ەكولوگيا • بۇگىن، 08:24

ۆيرۋس جۇقتىرۋ توقتاماي تۇر

كوروناۆيرۋس • بۇگىن، 08:16

ءورت سوندىرگەن وجەتتەر

ايماقتار • بۇگىن، 08:12

ەرلىككە بەرگىسىز ەڭبەك

قوعام • بۇگىن، 08:09

جاساندى جۇرەك سالىندى

الەم • بۇگىن، 08:02

نۇروتاندىقتاردىڭ ايقىن جەڭىسى

ساياسات • بۇگىن، 07:43

شامانىڭ ءانى

ونەر • كەشە

سوتتالعان جىرلار

ادەبيەت • كەشە

9 اي «تولعاتقان» 9 پايىز

ەكونوميكا • كەشە

ۇقساس جاڭالىقتار